საქართველოში პოლიტიკური ვითარება იძაბება. სახელმწიფო გადატრიალების საფრთხე სულ უფრო რეალური ხდება. პროცესების რადიკალიზაციისთვის ოთარ ფარცხალაძის სანქციების თემა ოპოზიციას გარედან მისცეს. ვითარება იმდენად რთულია, რომ ოპოზიციამ და კერძოდ, „სტრატეგია აღმაშენებლის“ ლიდერმა, გიორგი ვაშაძემ აღნიშნა: ჩვენს უკან დგას სამშობლო, ჩხუბი კი არა, იარაღზე არ დამიხევია და სადაც იქნება შეხების წერტილი, იქ მიიღებენ პასუხს“. მმართველ გუნდში კი აცხადებენ, რომ საზოგადოების რეაქციას აკვირდებიან და იარაღთან დაკავშირებულ მესიჯებს ტესტავენ.

შეგახსენებთ, რომ სუს-ის ინფორმაციით, საქართველოს ტერიტორიასა და მის ფარგლებს გარეთ მოქმედი პირთა გარკვეული ჯგუფი, საქართველოში დესტაბილიზაციისა და სამოქალაქო არეულობის მოწყობას გეგმავს, რომლის საბოლოო მიზანია ხელისუფლების ძალადობრივი გზით შეცვლა. განიხილება მოვლენათა განვითარების რამდენიმე სცენარი, რომელიც მოიცავს ე.წ. „კარვების ქალაქის“ მოწყობას, საქართველოში ცენტრალურ გამზირებსა და სტრატეგიულ ობიექტებთან ბარიკადების აღმართვას, სამთავრობო შენობების დაკავება-ბარიკადირებასა და ასევე სხვა მართლსაწინააღმდეგო ქმედებებს, რომლებიც შეიცავენ მძიმე პროვოკაციის ელემენტებს.

რადიკალიზაციის ამ პროცესში ჩართულია აშშ-ის საელჩო. როგორც „ხალხის ძალის“ მიერ გავრცელებულ განცხადებაშია ნათქვამი, აშშ-ის მომავალი ელჩი, რობინ დანიგანი უშუალოდ იყო ჩართული „მაიდნის“ რევოლუციის ორგანიზებაში, რომელსაც ახლო ურთიერთობები აკავშირებს როგორც ნულანდთან, ისე ერმაკთან და არახამიასთან, რომლებიც უკრაინაში „გლობალური ომის პარტიის“ დავალებების მთავარი აღმსრულებლები არიან.

„ახალი ელჩისა და მისი მოადგილის ბიოგრაფიები მიგვანიშნებს, ორივე მათგანი ვიქტორია ნულანდის კადრია, ნულანდი კი ის ქალბატონია, რომელიც, გავრცელებული ინფორმაციით, სახელმწიფო დეპარტამენტში „გლობალური ომის პარტიის“ ხაზის მთავარი გამტარებელია და სისხლიანი ომებისა და რევოლუციების მიმართ განსაკუთრებული ენთუზიაზმით გამოირჩევა. ის გახლდათ უკრაინული „მაიდნის“ სულისჩამდგმელიც. თავის დროზე, ნულანდი იყო სააკაშვილის ყველაზე აქტიური ლობისტი, რომელსაც, როგორც ჩანს, 2008 წლის ომის გამო განსაკუთრებულად ემადლიერებოდა.

თავად მომავალი ელჩი, რობინ დანიგანი უშუალოდ იყო ჩართული „მაიდნის“ რევოლუციის ორგანიზებაში. მას ახლო ურთიერთობები აკავშირებს როგორც ნულანდთან, ისე ერმაკთან და არახამიასთან, რომლებიც უკრაინაში „გლობალური ომის პარტიის“ დავალებების მთავარი აღმსრულებლები არიან. რაც შეეხება ელჩის მოადგილეს, ალან პარსელს, ის „მაიდნის“ დროს ამერიკის საელჩოში პოლიტიკურ განყოფილებას ხელმძღვანელობდა და აშკარაა, რომ საქართველოში ისიც სწორედ მისი რევოლუციური გამოცდილების გამო გამოუშვეს“, - ნათქვამია „ხალხის ძალის“ განცხადებაში.

აგენტების შესახებ კანონის ჩავარდნის მიუხედავად, საქართველოში ძალაში რჩება რევოლუციური სცენარი. პოლიტოლოგ რამაზ საყვარელიძის განცხადებით, ერთი რამე ცხადი იყო, რომ ყოფილი ხელისუფლება უფრო ადვილად პოულობდა საერთოს „დემოკრატებთან“ ამერიკაში, ვიდრე „რესპუბლიკელებთან“, მიუხედავად იმისა, რომ ყველაზე უფრო ვინც დაუჭირა მხარი და ლომის წილი შეასრულა სააკაშვილის გაპრეზიდენტებაში, იყო რესპუბლიკელი ბუში.

„ამიტომ, რაღაცა წინააღმდეგობრივი სურათი არის ეს ჩემთვის, თუ რა თამაში მიმდინარეობს ამერიკის მხრიდან. ის, რომ ამერიკელებს შეიძება ჰქონდეთ სურვილი შეცვალონ საქართველოში და სხვა ნებისმიერ ქვეყანაში ხელისუფლება, ეს ადვილი წამოსადგენია, მაგრამ თვითონ ამერიკული მოტივი რა არის, ამაზე ლაპარაკი ცოტა მიჭრს. ამიტომ ბევრი სხვადასხვა დაშვების გაკეთება მოგვიწევს მე და თქვენ და ამდენი დაშვების უფლება არ გვაქვს. დაშვება ხომ ის არის, რისი არგუმენტიც არ გაგაჩნია და სერიოზული ბრალდებები მწიფდება ამ მიმართულებით და უარგუმენტოდ ლაპარაკი ძნელი იქნება“, - აღნიშნა for.ge-სთან საუბრისას რამაზ საყვარელიძემ.

ანალიტიკოს გია აბაშიძის განცხადებით, სამწუხარო მოცემულობაა ის, რომ მანამ, სანამ უკრაინაში მიმდინარეობს რუსეთის აქტიური აგრესია, საქართველოში პოლიტიკური ვითარება ვერ დაწყნარდება, უწინარესად „გლობალური ომის“ პარტიის წარმომადგენლების აქტიურობით. მისი თქმით, ეს დადასტურდა არაერთხელ ისევე მათი განცხადებებით, იქნებოდა ეს ყოფილი ელჩი კელი დეგნანი, თუ ცალკეული ევროპარლამენტარი.

„მაგრამ, როგორც დეგნანის გეგმა ჩავარდა, ასევე ომის წაქეზება საქართველოში, ე.წ. მეორე ფრონტის გახსნას ხალხი ეწინააღმდეგება. არ აქვს მნიშვნელობა რა განცხადებები შეიძლება გავიგოთ დასავლეთიდან, რა ფულიც არ უნდა ჩაიდოს რადიკალური ნაცოპოზიციის გეგმებისთვის, ფაქტია, რომ საქართველოს საზოგადოების უმრავლესობა მშვიდობის მხარეზეა. პრაგმატულად და საღად აზროვნებს მოსახლეობის უდიდესი ნაწილი, განხვავებით ნაცრევანშისტებისგან, რომლებსაც ყოველთვის ნებისმიერი საბაბით სურთ, რომ ააყირავონ ქვეყანაში ვითრება. არ აქვს მნიშვნელობა უკრაინის თემა იქნება, ყარაბაღის თემა, თუ სხვა საკითხები. ხაზგასასმელი ფაქტია, რომ ნაცრადიკალებს სურთ ნებისმიერი მიზეზი, საბაბი გამოიყენონ, რომ ქვეყანაში არიონ სიტუაცია“, - აცხადებს for.ge-სთან საუბრისას გია აბაშიძემ.