პოლიტიკის პარალელურად თბილისი განათლებისა და მეცნიერების ყოფილ მინისტრ ხატია დეკანოიძის პირადი ცხოვრების შესახებ ალაპარაკდა. გავრცელებული ინფორმაციით, ყოფილი მინისტრი ხატია დეკანოიძე გათხოვდა და მისი რჩეული საქართველოს პრეზიდენტის ძმა დავით სააკაშვილია. ჩვენი წყაროს ცნობით, დავით სააკაშვილი და ხატია დეკანოიძე რამდენიმე თვის განმავლობაში ფარულად ხვდებოდნენ ერთმანეთს, შემდეგ კი ქვეყნის პირველი პირის ძმა ოფიციალურად გაეყარა მეუღლეს, თეა მოსიძეს და განათლების მინისტრზე იქორწინა. დავით სააკაშვილს პირველი ქორწინებიდან 2 შვილი ჰყავს. ინფორმაციის გადამოწმება ჩვენ განათლების სამინისტროს პრესცენტრის ხელმღძვანელ ნათია პაპავასთან ვცადეთ:
- ქალბატონო ნათია, გავრცელდა ინფორმაცია, რომ მინისტრი ხატია დეკანოიძე პრეზიდენტის ძმას, დავით სააკაშვილს გაჰყვა ცოლად...
- ვერაფერს გეტყვით. შეგიძლიათ მენდოთ და დამიჯეროთ, რომ მინისტრის გათხოვების შესახებ არაფერი მსმენია.
