ასჯერ გაგონილს ერთხელ ნა­ნახი ჯობიაო - უთქვამთ ჩვენს წინაპრებს. ამ გამო­ნათქვამის სისწორე კიდევ ერთხელ დადასტურდა, რო­დესაც ქართულ ციხეებში არ­სებული გაუსაძლისი მდგო­მარეობა საკუთარი თვალით ვიხილეთ. მართალია, ყვე­ლამ იცოდა, რომ სასჯელაღ­სრულების სისტემაში ყველა­ფერი რიგზე არ იყო, მაგრამ ნანახმა ყოველგვარ მოლო­დინს გადააჭარბა. ანალოგიუ­რი რამ შეიძლება ითქვას ამ სისტემის სულისჩამდგმელ­თა ქონებაზე, მათ შემოსა­ვალზე. ამის შესახებ ქართულ პრესაში ადრეც თქმულა და დაწერილა, მაგ­რამ გადავწყვიტეთ, კიდევ ერთხელ შეგვეხსენებინა ჩვენი მკითხველის­თვის.


"სათუთ-ხათუნი"
"სათუთი მინისტრი" - ამ ეპითეტით მოიხსენიებს "მაესტროს" პოპულარუ­ლი გადაცემა "ყოველდღიური ა(მ)ბების" წამყვანი ვასიკო ოდიშვილი ხათუნა კალმახელიძეს, რომელიც გვარწმუნებდა - ქართულ ციხეებში ლამის ოთხ­ვარსკვლავიანი სასტუმროს საკადრისი პირობები შევქმენითო... 2010 წლის ქონებრივი დეკლარაციის მიხედვით კალმახელიძე თბილისში, ნიკოლაძის ქუჩაზე, 15 კვმ ფართობის ავტოფარეხს ფლობდა. 2011 წლის ქონებრივი დეკლარაციის თანახმად კი ხათუნა კალმახელიძის ქონებას 100 კვმ ფართო­ბის ბინაც შეემატა, რომელიც კრწანისის პირველ ჩიხში მდებარეობს. ყოფილი მინისტრის უძრავ-მოძრავ ქონებას "ჰიუნდაის" მარკის ავტომანქანა და "რო­ლექსის" საათიც ამშვენებს. რაც შეეხება მის მიერ გაწეული "შრომისა და ღვაწლის" ანაზღაურებას - 2011 წელს ხათუნა კალმახელიძის წლიური შემო­სავალი 97 355 ლარი ყოფილა: წლიური ხელფასი 42 480, ხოლო პრემია - 54 875 ლარი (ეს მონაცემები შეგიძლიათ იხილოთ საინფორმაციო სააგენტო "პირველისა" და ინფორმაციის თავისუფლების განვითარების ინსტიტუტის ვებგვერდებზე).

2012 წელი "სათუთი" მინისტრისათვის უიღბლო აღმოჩნდა, რადგან პატი­მართა წამების ამსახველი კადრების გავრცელების შემდეგ იძულებული შე­იქნა, დაეტოვებინა თანამდებობა, რომელსაც ასეთი "სიყვარულით", "გულ­მოდგინედ" ემსახურებოდა.

ჩვენი დროის "გმირები"?!
ამ მახინჯი სისტემის ერთ-ერთი შემოქმედი ბაჩო ახალა­ია, შეიძლება ვიღაცისთვის მართლაც გმირია. გავიხსე­ნოთ, პრეზიდენტმა ის თავ­დაცვის მინისტრად იმიტომ გადაიყვანა, რომ თურმე პე­ნიტენციურ სისტემაში "გაქა­ჩა". საჯარო სამსახურის ბიუ­როს ოფიციალურ ვებგვერ­დზე გამოქვეყნებული მინის­ტრების ქონებრივი დეკლარა­ციებიდან გაირკვა, რომ 2009 წელს ბაჩო ახალაიამ თავდაც­ვის მინისტრის თანამდებო­ბაზე "სულ რაღაც" 70 ათას 865 ლარი გამოიმუშავა. 2011 წლის დეკლარაციიდან ირ­კვევა, რომ თავდაცვის მინის­ტრმა თბილისში, დოლიძის N46-ში 118 კვმ ფართობის ბინა შეიძინა 80 000 ლარად. წინამძღვრიშვილის N17-ში მდებარე ბინა და სარდაფი კი 120 000 ლარად გაასხვისეს.

ალბათ, მკითხველს დააინტერესებს, როგორი იყო "ჩვენი დროის გმირის" ანაზღაურება სასჯელაღსრულების დეპარტამენტის თავმჯდომარედ მუშაო­ბისას. ბაჩო ახალაიამ ამ თანამდებობაზე მუშაობისას მიიღო, 2006 წელს 32 000 ლარი იყო, ხოლო 2007 წელს - 26 000 ლარი.

არანაკლებ შემოსავლიანი ყოფილა პენიტენციური სისტემა სასჯელაღსრუ­ლების, პრობაციისა და იურიდიული დახმარების საკითხთა მინისტრ დიმიტ­რი შაშკინისათვის: 2009 წელს ამ პოსტზე მუშაობისას შაშკინს 70 886 ლარი გამოუმუშავებია, აქედან წლიური ხელფასი 42 480 ლარს, ხოლო პრემია 28 406 ლარს შეადგენდა.

კიდევ ერთი "გმირი", გვა­რად - ჭაკუა
სასჯელაღსრულების, პრობა­ციისა და იურიდიული დახმა­რების საკითხთა სამინის­ტროს ყოფილი მაღალჩინოს­ნის, დავით ჭაკუას შემოსავა­ლი 2008 წელს 38 000 ლარი ყოფილა, აქედან წლიური ხელფასი 24 600 ლარი, ხო­ლო პრემია - 13 400 ლარი. სასჯელაღსრულების დეპარ­ტამენტის თავმჯდომარის მოვალეობის შემსრულებ­ლის თანამდებობაზე ყოფნი­სას, 2010 წელს, ჭაკუას წლი­ური შემოსავალი 70 250 ლა­რი იყო: აქედან წლიური ხელფასი 30 240, ხოლო პრემია - 40 010 ლარს შეად­გენდა. 2011 წელს ჭაკუას წლიური შემოსავალი კიდევ უფრო გაიზარდა და 93 090 ლარი გახდა, საიდანაც წლიური ხელფასი 30 240 ლარი იყო, ხოლო პრე­მია - 62 850 ლარი.

როგორც იტყვიან, კომენტარი ზედმეტია, თუმცა ჩვენს საზოგადოებაში გაჩ­ნდა კიდევ ერთი მტკივნეული კითხვა, რომელსაც პასუხი უნდა გაეცეს - რისთვის ვუხდიდით ამ ხალხს პრემიებს - პატიმრების ცემა-ტყეპისა და წა­მებისთვის?!