2015 წელს უკრაინაში "გაის" ქართული სცენარით რეფორმირება დაიწყება. უკრაინული მედიის ინფორმაციით, ამის შესახებ შინაგან საქმეთა მინისტრის მრჩეველმა ანტონ გერაშენკომ განაცხადა.
"მომავალ წელს იგეგმება ელექტრონული სისტემის შემოღება. იქნება იგივე, რაც საქართველოში და ევროპის ყველა ცივილიზებულ ქვეყანაში. ვამზადებ კანონპროექტებს, რომელიც საშუალებას მოგვცემს, დაჯარიმება ვიდეოჩანაწერის საფუძველზე მოხდეს", - განაცხადა გერაშენკომ.
შინაგან საქმეთა მინისტრ არსენი ავაკოვის ინფორმაციით, კი პირველი ქალაქი, სადაც სახელმწიფო ავტოინსპექციის რეფორმირებული სამსახური დაიწყებს მუშაობას, ხმელნიცკი იქნება.
