თათრეთის რესპუბლიკის ყველაზე თვალსაჩინო წარმომადგენელი ირინა შეიკის მეტსახელით ცნობილი მოდელი, ირინა შაიხლისლამოვა გახლავთ. გოგონა მსოფლიო მოდის ერთ-ერთი წამყვანი მოდელია და არც სარეკლამო კონტრაქტების ნაკლებობას უჩივის.
ვერ გეტყვით, სად, როგორ და რანაირად შეხვდა ირინა მადრიდის „რეალის“ ვარსკვლავ კრიშტიანუ რონალდუს, მაგრამ ფაქტია – პორტუგალიელმა ფეხბურთელმა ნაკრების თავკაც კარლუშ კეირუშს შეუთვალა, სამდღიანი შვებულება მომეციო და მიიღო კიდეც.
წყვილი დასასვენებლად კორსიკაზე გაემგზავრა და ამბობენ, რონალდუ, როგორც არასდროს, ისეთი ხელგაშლილი იყოო.
სამი დღის შემდეგ ფეხბურთელს ჩარტერულმა რეისმა ჩამოაკითხა და იგი ნაკრებს შეუერთდა. ჟურნალისტებს კი სერიოზული ეჭვი აქვთ, რომ სწორედ შეიკი იქნება ის ქალი, ვინც მსოფლიოს ჩემპიონატზე რონალდუს ტრიბუნებიდან გაამხნევებს, მერე კი მასთან ერთად დასასვენებლად წავა.
დიდი ალბათობით, პორტუგალიელები მსოფლიოს ჩემპიონატს ბოლომდე ვერ შემორჩებიან და რონალდუს და თათრეთის სიამაყეს სასაუბროდ ბევრი დრო ექნებათ.
