ტოკიოში, დღეს, რიოკოგუ კოკუგიკანის დარბაზში აკი ბაშოს ტურნირი იწყება. ტურნირის ყველა ბილეთი უკვე გაიყიდა. ამ ბაშოზე მონაწილეობს ყველა სუმოისტი, როგორც უმაღლეს დივიზიონში ასევე ჯურიო ლიგაშიც. სექტემბრის ტურნირზე იქნება სამივე იოკუძუნა: კაკურიუ, ჰაკუჰო და კისენასოტო. ტურნირი 15 დღეს გაგრძელდება.
ეს ბაშო ქართველი სუმოისტისთვის მნიშვნელოვანია. ტოჩინოშინი თუ კაჩი-კოშის (დადებით ბალანს) ვერ დააფიქსირებს ოძეკობას დაკარგავს.
ცნობილია ვის დაუპირისპირდებიან ქართველები პირველი ორი ბრძოლის დროს. ტოჩინოშინის მეტოქეები მეორე მაეგაშირები იქნებიან.
ბაშოს ტოჩინოშინი იაპონელი ჩიოტარიუსთან დაპირისპირებით გახსნის, რომელთანაც ურთიერთშეხვედრების ბალანსი 4:2-ზე აქვს. ბოლოს მას ივნისში ნაცუ ბაშოზე დაუპირისპირდა და იორიკირით დაამარცხა.
