საფრანგეთის მთელ ტერიტორიაზე დემონსტრაციები, სახელწოდებით „დაბლოკე ყველაფერი“ მიმდინარეობს. ინფორმაციას Reuters-ი ავრცელებს.

აქციის მონაწილეები კეტავენ ქუჩებს, აფერხებენ საზოგადოებრივი ტრანსპორტის მოძრაობას, წვავენ ნაგვის ურნებს. როგორც სააგენტო იუწყება, მომიტინგეების მთავარი უკმაყოფილება პრეზიდენტ ემანუელ მაკრონის ეკონომიკური პოლიტიკა და საბიუჯეტო ხარჯების შემცირებაა.

დემონსტრაციები დრო და დრო პოლიციასთან შეტაკებებში იზრდება. ოფიციალური პირების განცხადებით, მთელი ქვეყნის მასშტაბით ათეულობით ათასი პოლიციელია მობილიზებული, ისინი უმოკლეს ვადებში ხსნიან დაბლოკილ ქუჩებს.

Reuters-ის ცნობით, ქვეყნის მასშტაბით დაახლოებით სამასამდე ადამიანია დაკავებული. პარიზის პოლიციამ ცრემლსადენი გაზი გამოიყენა იმ დემონსტრანტების წინააღმდეგ, რომლებმაც ერთ-ერთი საჯარო სკოლის ბლოკირება სცადეს.

გარდა ამისა, პოლიციის განცხადებით, მათ დაახლოებით ათასი დემონსტრანტისგან შემდგარი ჯგუფი შეაჩერეს, რომელსაც ქალაქ გარ დუ ნორის რკინიგზის სადგურზე შეღწევა სურდა.