"Нашла коса на камень" - ასე ამბობენ რუსები, როდესაც წინააღმდეგობას წააწყდებიან. სწორედ ასე დაემართა აშშ-ს უკრაინაში, თორემ მანამდე, ისე მოგეცათ ლხენა, როგორც ბოლო 20 წლის განმავლობაში  "ძია სემი" ბალკანეთიდან, ვიდრე საქართველომდე, დაუსჯელად ატარებდა სასტიკ ექსპერიმენტებს თვითმყოფად, მაღალი კულტურის მქონე ერებზე ე. წ. ფერადი რევოლუციების სახით. ობამას ადმინისტრაციამ მხოლოდ სახელი უცვალა, თორემ შინაარსით და, რაც მთავარია, შედეგებით "არაბული გაზაფხულის" სერიალებიც იგივე იყო, რაც "ფერადი რევოლუციებისა" - ყველგან ჯერ ნგრევა, სისხლი, ანარქია, სიღატაკე და შემდეგ მათივე არეული ქვეყნების დემოკრატიული "კომუფლაჟით დალაგება" - ერთიანი სახელმწიფოების დაშლა და ნატო-ევროპასთან ნაწილ-ნაწილ მიერთება-ასოცირება, ეროვნულ-რელიგიური ფასეულობების ნაცვლად სატანისტური სექტების, ლგბტ-პედერასტობის პროპაგანდა და ა.შ.

რუსული გაზაფხულის სცენარის ჩაფლავება

60 წლის წინათ, 1962 წლის ოქტომბერში, ნიკიტა ხრუშჩოვის ბირთვულმა ინიციატივამ კუბაში ლამის კუბოში ჩააწვინა კაცობრიობა. იმხანად, საბჭოეთშიც კი, მართალია, პირად საუბრებში (ხმამაღლა თქმას ვინ გაბედავდა?!), მაგრამ მაინც, ყველა ნიკიტას ამუნათებდა!

ისტორია მეორდება? არ ვიცი, ის კი ნამდვილია, რაც ბარაკ ობამამ განაცხადა - რუსეთს ძვირი დაუჯება უკრაინაში შეჭრაო, რაც რუსეთის საკანონმდებლო ორგანომ ერის შეურაცხყოფად აღიქვა და მყისვე მისცა დასტური პუტინს, უკრაინაში სამხედრო ძალის გამოყენებაზე!

ისეთი რამ, რაც ბარაკ ობამამ გაბედა ამ დაძაბულ ვითარებაში, თვით ჯონ კენედიმაც ვერ გაბედა კარიბის კრიზისისას...

რუსეთი რომ უკან არ იხევს, ვხედავთ და რა ფასი ექნება რეალურად მსოფლიოს ლგბტ-პედერასტების ბელადის მუქარას, რამდენად შორს წავა აშშ, ვნახავთ.

ბარაკ ობამამ ვლადიმერ პუტინთან დუელში პირველი სერიოზული მარცხი სირიაში იწვნია, როდესაც რუსმა დათვმა ამერიკულ სახედარს (აშშ-ის დემოკრატების სიმბოლოა, ანუ შეურაცხყოფას არავის ვაყენებ) ამ ქვეყანაში შეჭრის უფლება არ მისცა.

არაბული გაზაფხულის შემდეგ კი «რუსული გაზაფხულის» სცენარი დაიწერა. დიახ, რუსული, რადგან კიევის მაიდანი მხოლოდ პოლიგონი იყო ამ სცენარის განსახორციელებლად, რეალურად კი - აშშ-ის მიერ რუსეთისთვის გამოუცხადებული ომის დაწყება იყო, რომელშიც, უკვე თამამად შეიძლება ითქვას, აშშ დამარცხდა! დიახ, როგორც თუთაშხია იტყოდა, "ასეა ეს", რადგან ამერიკელთა სცენარი მართლაც რუსულ გაზაფხულად აქციეს თვითონ რუსებმა - ყირიმის ახალმა ხელისუფლებამ რეფერენდუმის გამართვის თარიღად 30 მარტი გამოაცხადა. ამ რეფერენდუმზე, რუსული ენისა და რეგიონის სტატუსის გარდა, ორგანიზაცია «ოპლოტის» ინიციატივით, კიდევ 2 კითხვა შეიძლება დაისვას: წითელი არმიის ვეტერანების სტატუსი _ ვინ არიან ისინი - მშობლიური მიწის დამპყრობლები თუ განმათავისუფლებლები? და ვინ არიან ბანდერელები - გერმანელი ფაშისტი დამპყრობლების ხელისშემწყობნი თუ მათთან მებრძოლნი?

მოკლედ, როგორც ჩანს, უკრაინიდან ყირიმის გამოყოფის საკითხი, სულ ცოტა, უკვე გადაწყვეტილია!

და ეს სულაც არ არის პირადი სიმპათია-ანტიპათიიდან გამომდინარე დასკვნა. ანალოგიურ თვალსაზრისზეა დასავლური მედიაც, რომელიც ყირიმის კრიზისის დასაწყისში "რუსეთის პროვოკაციებსა" და "რუსეთის აგრესიაზე" საუბრობდა, ბოლო ხანს კი მოულოდნელად დატკბა და ამ ტერმინებს, როგორც წესი, წინწკლებში იყენებს. უფრო მეტიც, საგრძნობლად შეიცვალა დასავლელი პოლიტიკოსების ტონიც. მაგალითად, გერმანიის ქრისტიან-დემოკრატიული პარტიის ერთ-ერთმა ლიდერმა, ცნობილმა პოლიტიკოსმა ფილიპ მისფელდერმა საინფორმაციო სააგენტო "როიტერს" განუცხადა: "მოსკოვი ემოციურად აღიქვამს ყირიმის საკითხებს, რადგან ყირიმი ისტორიულად ძირძველი რუსული რეგიონია!".

ავტორიტეტული გამოცემა "შპიგელი" კი მოწინავე სტატიაში "ევროპელების დილემა" და "ოპერაცია ყირიმის პროტექტორატი" წერს, რომ ყირიმის საკითხი თითქმის დახურულია. იქვე აღნიშნულია, რომ ყირიმის რუსეთის გავლენის ქვეშ მოსაქცევად ჩატარებული ოპერაცია შეიძლება "სამხედრო ტაქტიკის სახელმძღვანელოებში შევიდეს", რადგან რუსებმა ტყვიის გასროლის გარეშე შეძლეს ყირიმის სამხედრო-სამოქალაქო ინფრასტრუქტურის დამორჩილება...

იგივე გამოცემა აქვეყნებს სტატიას მრავლისმთქმელი სათაურით - "ყირიმის კრიზისი: ნაციონალისტები თათრებს ტერორიზმისკენ აქეზებენ", და ე. წ. პრავი სექტორზე უკიდურესად ნეგატიურად საუბრობენ!

კიდევ ერთი ავტორიტეტული გამოცემისთვის მიცემულ ინტერვიუში ჩვენი "საყვარელი" მანუელ ბაროზო რუსული ენისთვის სტატუსის შეცვლის შესახებ ამბობს: "იაცენიუკმა გარანტია მომცა, რომ ეს საკამათო კანონი არ იქნებოდა მიღებული" - მაიდანის "ბანდერლოგებმა" ხელისუფლების დამხობისთანავე ჩამოართვეს რუსულ ენას მეორე სახელმწიფო ენის სტატუსი, რაც გახდა კიდეც მიზეზი რუსულენოვანი უკრაინის აფეთქებისა!

ისე, ახია იანუკოვიჩზე! თავიდანვე ჩანდა, რა ხალხიც იყო მაიდანზე შეკრებილი და ბანდერელები უკრაინას კარგს რომ არაფერს უქადნენ! ახლა ქალაქს ქალაქზე რომ იღებენ და რუსეთის დროშებს აფრიალებენ, არ ჯობდა, სტახანოველი მეშახტეების დესანტი გადაესხათ მაიდანზე და მეშახტეების კუვალდებით დარეოდნენ "ბანდერლოგებს"?

ეს ისე, როგორც ლირიული გადახვევა. ისე კი, ამბობენ, რუსებმა სერგო ორჯონიკიძის ცნობილი დეპეშის მსგავსი დეპეშა აფრინესო ამერიკაში: "ვაშინგტონი, თეთრი სახლი. ბარაკ ობამას და ჯიმ ქერის! სევასტოპოლის, ხარკოვის, მარიოპულის, ზაპოროჟიეს, ნიკოლაევის, დნეპროპეტროვსკის, დონეცკის, ოდესის თავზე უკვე რუსული დროშები ფრიალებს!"

ბარაქიანი პანღური

ეს ის ამერიკელები არ არიან?

მიშნაცებისა არ იყოს, რომლებსაც არანაირი უფლება არ აქვთ, ისაუბრონ სამართალზე, დაპირებების შეუსრულებლობაზე, პოლიტიკურ დევნასა და ა. შ. მათი "მამა" ამერიკელებისგანაც ძნელი მოსასმენია საუბრები უცხო ქვეყნის საშინაო საქმეებში ჩარევა-ჩაურევლობაზე, ანექსიაზე, გენოციდზე და ა. შ. რადგან ეს ის "ჰუმანისტი" იანკები არიან, რომლებმაც დედაბუდიანად ამოწყვიტეს ინდიელები; ეს იმ რასისტების ამერიკაა, რომელშიც მილიონობით ბიძია თომას სულს ხდიდნენ მონურ შრომაში, ხოლო იმ თომების შთამომავლებს გასული საუკუნის 60-იან წლებამდე კუ-კლუქს-კლანი ცოცხლად წვავდა, გადარჩენილებს კი დამამცირებელ რასობრივ დისკრიმინაციაში უწევდათ არსებობა; ეს ის «დემოკრატები» არიან, რომლებიც "ნაციონალურ ინტერესებს" თავიანთი ქვეყნიდან ათასობით მილს იქეთ იცავენ _ უმოწყალოდ დაბომბეს მართლმადიდებელი(!) სერბეთი, მარტივ მამრავლებად დაშალეს იუგოსლავია, გამოგონილი მიზეზით დაიწყეს ერაყში ომი და ეგვიპტე-ლიბიაში - "რევოლუციები"; შემდეგ კი თავისივე შექმნილი დიქტატორები წამებით მოკლეს ან კატასავით დაახრჩეს; ეს ის ამერიკელები არიან, რომლებიც სიტყვით ტერორიზმს ებრძვიან, სინამდვილეში კი რადიკალ-ისლამისტებს ხელსაც უწყობენ და აფინანსებენ კიდეც, თუ მათი ქმედება რუსეთის ინტერესების წინააღმდეგ (მაგალითად, სირიაში) არის მიმართული. საერთოდ, რაზეა საუბარი, როდესაც ე. წ. პრავი სექტორის ლიდერი დიმიტრი იაროში დოკუ უმაროვს მოუწოდებს რუსეთის ტერიტორიაზე ტერორისტული აქტების განხორციელებისკენ და აშშ დუმს?

პუტინი არაადეკვატურიაო, - დაიჩივლა ბარაკ ობამამ, ვიდრე პირდაპირ მუქარაზე გადავიდოდა. რა უნდა ქნას პუტინმა - ნატოს ბაზები გახსნას რუსეთში, წითელ მოედანზე პედერასტების პარადი მიიღოს და მაშინ იქნება ადეკვატური?

მოკლედ, ეს ის ამერიკელები არიან, ის...

ამერიკელებს უკრაინაში ბალკანიზაციის პროცესის დაწყება სურთ, რომელსაც ვერაფრით შეეგუება რუსეთი. მათ კარგად ახსოვთ 1999-ში, იმხანად პოლიტიკურ-ეკონომიკურ და სამხედრო იმპოტენტმა რუსეთმა როგორ ვერ დაიცვა ერთმორწმუნე სერბეთი. ახლა კი, ბელგრადის დაბომბვიდან 15 წლისთავზე, უკრაინის "ახევა" მოუნდომეს. არადა, რუსეთისთვის უკრაინა არც სერბეთია და, მითუმეტეს, არც სირია; უკრაინელები, ბელარუსები და რუსები პრაქტიკულად ერთი ნაციაა და როგორც ერთ სიმღერაშია: "Россия, Украина, Белоруссия — племен словянских три богатыря”...

სწორედ ამ გოლიათების ერთად ყოფნისა ეშინია ამერიკას და ევროკავშირსაც. რუსეთს კარგად ესმის, რომ უკრაინაში არა მხოლოდ უკრაინის ბედი წყდება, არამედ რუსეთის - ყირიმში უკან დახევის შემთხვევაში თვითონ რუსეთი დადგება დაშლის რეალური საფრთხის წინაშე და ამიტომ იმართება მთელი რუსეთის მასშტაბით მრავალათასიანი მიტინგები. ანუ, რუსეთის პოლიტიკურ-სამხედრო მანქანას "ზადნი" არ აქვს და აქ "ჭამეს" იანკებმა, რადგან დღეს რუსეთი აღარ არის 1990 წლების გაფარჩაკებული, "ალკაში" ელცინის რუსეთი.

ეს ობიექტური მოცემულობა იქნებ გააცნობიეროს "მეოცნებეთა" ხელისუფლებამაც, რომელმაც ნელ-ნელა უმატა რუსების მიმართ აგრესიულ რიტორიკას და "ნატო-ნატოს" ძახილს.

ვინძლო ორი აქლემის ჭიდილში კოზაკივით არ გავიჭყლიტოთ, როგორც 2008-ში, მაგრამ ამჯერად სასიკვდილოდ გავიჭყლიტებით!

"ჭკუით, ქართველებო!"...