ვეტერანმა იტალიელმა ფეხბურთელმა ანტონიო კასანომ ხვიჩა კვარაცხელიაზე ისაუბრა. როგორც მან თქვა, კვარა დღეს საუკეთესო მარცხენა გარემარბია და ნებისმიერ კლუბში თამაში შეუძლია, რადგან ფენომენალური ფეხბურთელია.
„მე არასდროს მინახავს ჯორჯ ბესტი, მაგრამ დღეს კვარაცხელია მარცხენა ფლანგზე ყველაზე ძლიერი ფეხბურთელია. გაცილებით ძლიერი, ვიდრე გრილიში, კომანი, მას ყველგან შეუძლია თამაში. ერთადერთი ეჭვი, რაც მაქვს, ჩემპიონთა ლიგას უკავშირდება, სადაც მინდა ვნახო, რომ სტაბილურად ითამაშებს.
გასულ სეზონში მან რაღაც სიგიჟეები გააკეთა, თუმცა, ვნახოთ მომდევნო ორ-სამ წელიწადში როგორ ითამაშებს. კვარაცხელია ლეაუზე ბევრად ძლიერია, „მილანის“ ფეხბურთელზე მეტი რაღაცის გაკეთება იცის. მინდა, რომ კვარაცხელიამ ისევ „ნაპოლიში“ ითამაშოს, მაგრამ მეშინია, რომ მოვლენ და ვერტმფრენით წაიყვანენ, იქ შეუძლია თამაში, სადაც მოესურვება. ფენომენალურია“, - თქვა კასანომ.
