„ლივერპულის“ მთავარმა მწვრთნელმა არნე სლოტმა ჩემპიონთა ლიგის საერთო ეტაპის მე-5 ტურის მადრიდის „რეალთან“ მატჩში (2:0) მოჰამედ სალაჰისა და კილიან მბაპეს გაცუდებულ პენალტებზე ისაუბრა.
„ალბათ ფიქრობდით, რომ პენალტს აუცილებლად ორივე გაიტანდა, მაგრამ ორივემ გააცუდა. დღეს მათ გვაჩვენეს, რომ ისინიც ადამიანები არიან. მბაპეს შემთხვევაში, კელეჰერი წარმოუდგენელი იყო. მან რაღაც გამორჩეული გააკეთა ჩვენთვის“, - ციტირებს BBC სლოტის სიტყვებს.
„რეალი“ ჩემპიონთა ლიგის სატურნირო ცხრილში 6 ქულით 24-ე ადგილზეა. „ლივერპული“ 15 ქულით ცხრილს ლიდერობს.
