„ალ-ნასრის“ თავდამსხმელმა, კრიშტიანუ რონალდუმ, განაცხადა, რომ პორტუგალიის ნაკრებში კარიერის დასრულებას არ აპირებს.
„ჩემი მომავალი პორტუგალიის ნაკრებში? ყოველთვის მაქვს რაღაც დასამტკიცებელი. როცა დასამტკიცებელი არაფერი გვაქვს, ეს იმის ნიშანია, რომ სულიერად მკვდარი ხარ. ყოველ წელს ყოველთვის ხდება რაღაც განსხვავებული. მინდა დღეგრძელობის მაგალითი ვაჩვენო. ვფიქრობ, 38 წლის ასაკშიც შემიძლია სასარგებლო საქმეების კეთება.
ვაპირებ გავაგრძელო ის, რაც გავაკეთე ჩემს 21-წლიან კარიერაში, ეს არის ფეხბურთით ტკბობა. თავს მაინც სასარგებლო და მნიშვნელოვანად ვგრძნობ. ვაგრძელებ ფეხბურთით ტკბობას, რომელიც ცხოვრებაში ყველაზე მეტად მომწონს“, - ციტირებს რონალდუს სიტყვებს Record.
