აჭარაში კორონავირუსით დაინფიცირებული პირველი პაციენტი გამოჯანმრთელდა. მას ბათუმში, კლინიკა „მედალფაში“ 2 კვირის განმავლობაში მკურნალობდნენ.
კლინიკის დირექტორის. ლევან ანთაძის თქმით, განმეორებითმა ტესტებმა უარყოფითი პასუხი აჩვენა. პაციენტი რამდენიმე საათში გაეწერება და ის თვითიზოლაციაში გადავა. მისივე თქმით, კლინიკაში ამ დროისთვის 7 ინფიცირებული რჩება, რომელთაგანაც ერთის მდგომარეობა მძიმეა.
ამასთან, აჭარის ჯანდაცვის სამინისტროს ინფორმაციით, საკარანტინო ზონა კიდევ 50-მა მოქალაქემ დატოვა. კარანტინში კვლავ რჩება 2 000 ადამიანი, თვითიზოლაციაში კი 200-ზე მეტი. აჭარაში სულ 12 საკარანტინო სივრცეა მოწყობილი.
საქართველოში ამ დროისთვის კორონავირუსის 130 შემთხვევა დადასტურდა, მათგან 26 ადამიანი უკვე განიკურნა.
![ნიუ-მექსიკოს შტატში ძლიერი წყალდიდობის შედეგად, სულ მცირე, სამი ადამიანია დაღუპული, მათგან ორი ბავშვია [ვიდეო]](https://for.ge/uploads/images/thumbs/1752077845_304382.jpg)
![ბიჭი ტრიბუნებზე პსჟს რეალთან გამარჯვებას ზეიმობდა, რა დროსაც დავარდა და ხელი იტკინა[ვიდეო]](https://for.ge/uploads/images/thumbs/1752300808_304496.jpg)
