რუსეთი ძალის გამოყენებით ცვლის საზღვრებს, რათა მიაღწიოს თავის პოლიტიკურ ამოცანებს და ჩვენი ამოცანაა, არა მხოლოდ პასუხის გაცემა, არამედ დავსახოთ მომავალი სტრატეგია ამ მიმართულებით, - ამის შესახებ ამერიკის შეერთებული შტატების ატლანტიკური საბჭოს აღმასრულებელმა ვიცე პრეზიდენტმა დეიმონ უილსონმა საქართველოს თავდაცვის და უსაფრთხოების რიგით მეათე კონფერენციაზე სიტყვით გამოსვლისას განაცხადა.
როგორც უილსონმა აღნიშნა, ატლანტიკურ საბჭოს მიაჩნია, რომ საქართველოს შეუძლია მიაღწიოს მიეზნებს და მიაღწიოს იმ მიზანს, რომ გახდეს ნატო-ს წევრი და ეს იქნება საქართველოს მდგრადი მონაწილეობით. უილსონის თქმით, საქართველო დამოუკიდებლობის 25 წლისთავზე გახდა მტკიცე დასაყრდენი ნატო-სთვის.
„შევახსენებთ ყველას, რამდენი შესწირა საქართველომ სამშვიდობო მისიებს და ამისთვის მადლობელი უნდა ვიყოთ. ნამდვილად ყველას ძალიან დიდი მადლობა. მსოფლიო წყობა და უსაფრთხოება არის კითხვის ნიშნის ქვეშ, არის პრობლემატური საკითხები და ეს ძირითადად ხდება ევროპის აღმოსავლეთში. თქვენ ამ პრობლემების ჩრდილოეთში იმყოფებით“, - განაცხადა უილსონმა.
მისივე თქმით, ევროკავშირი თავად დგას უდიდესი გამოწვევების წინაშე და ეს ყველაფერი, ცვლილებები გამოწვეულია იმით, რაც მოხდა მოსკოვში.
„პოლიტიკური რელიეფური ცვლილებები გამოწვეულია იმით, რაც მოხდა მოსკოვში, იმით რაც ვნახეთ 2008 წელს საქართველოში და 2015 წელს უკრაინაში. როცა ვსახავთ გრძელვადიან ამოცანას, სტრატეგია გამყარებულია რეგიონში მშვიდობის მიღწევით, მაგრამ რუსეთი ძალის გამოყენებით ცვლის საზღვრებს, რათა მიაღწიოს თავის ამოცანებს. ჩვენი ამოცანა არის არა მხოლოდ პასუხები, ჩვენი ამოცანაა დავსახოთ გრძელვადიანი სამშვიდობო სტრატეგია“, - აღნიშნა უილსონმა.
