საქართველოს შინაგან საქმეთა სამინისტროს პრესსამსახურს ჟურნალისტი ნინო გიორგობიანი უხელმძღვანელებს.
ნინო გიორგობიანის განცხადებით, ის ახალ სამსახურში მუშაობას მომავალი კვირიდან შეუდგება. "როგორც კი ოფიციალურად შევუდგები მუშაობას, სამინისტროს ვებგვერდზე განცხადება გაკეთდება", - განაცხადა გიორგობიანმა.
შეგახსენებთ, ნინო გიორგობიანი "აირზენას" პრესსამსახურის ხელმძღვანელი იყო.
შინაგან საქმეთა სამინისტროში მან სალომე მახარაძე შეცვალა, რომელმაც უწყების პრესსამსახურის ხელმძღვანელის თანამდებობა სამინისტროში ბაჩო ახალაიას მისვლის შემდეგ დაიკავა.
