ეს ინფორმაცია ”ობიექტივი.ნეტ”-ს ”ლეიბორისტული პარტიის” აჭარის რეგიონალური ორგანიზაციის ხელმძღვანელმა, დავით რობაქიძემ მოაწოდა. ამ თემასთან დაკავშირებით აჭარის ა/რ. კულტურული მემკვიდრეობის დაცვის სააგენტოს ხელმძღვანელს, სოფო ლაზიშვილსაც ვესაუბრეთ.
ბათუმის ბულვარს ძეგლის სტატუსი მინიჭებული აქვს, მაგრამ ამ კონრეტულ შემთხვევაში, გინდ - ჰქონია და გინდ - არა, რადგან, როგორც უნდათ და რასაც უნდათ იმას თხრიან, ჭრიან, აშენებენ და ანგრევენ. გასული წლის 3 ნოემბერს, გამოვაქვეყნეთ მასალა სათაურით - მოძრავი რესტორნისთვის ბიუჯეტიდან 60 მილიონს რიცხავენ. ეს ინფორმაციაც ”ლეიბორისტმა” დავით რობაქიძემ მოგვაწოდა და ბათუმის საკრებულოს თავმჯდომარემ, გიორგი კირთაძემ დაგვიდასტურა.
3 ნოემბერს გამოქვეყნებული მასალა შემთხვევით არ გაგვხსენებია. მასში შავით თეთრზე ეწერა, რომ ბათუმის ბულვარში, ყოფილი საზაფხულო თეატრის ტერიტორიაზე სასტუმროს აშენება იგეგმებოდა. კირთაძემ რობაქიძის მიერ მოწოდებული ეს ინფორმაციაც დაგვიდასტურა.
დღეს ჩვენთან საუბრისას დავით რობაქიძე, გეოლოგებზე დაყრდნობით ამბობს, რომ ყოფილი საზაფხულო თეატრის ტერიტორიაზე სასტუმროს აშენება გადაიფიქრეს, რადგან აღმოჩნდა, რომ ნიადაგი საამისოდ მყარი არ არის და 200-მეტრიანი სასტუმროს აშენება ძველი ბულვარის სხვა მონაკვეთში გადაწყვიტეს.
ჩვენს კითხვაზე - რაზე დაყრდნობით აცხადებთ ამას? - მოგვიგო: ”მას შემდეგ, რაც ბათუმში არსებულმა ყველა პოლიტიკურმა და საზოგადოებრივმა ორგანიზაციებმა (ნინო ბურჯანაძის ”სახალხო კრების”, მისივე ”შეფიცულების”, თარგამაძის ”ქრისტიან-დემოკრატების” და ”ნაცმოძრაობის” წარმომადგენლების გარდა) გავაკეთეთ ერთობლივი განცხადება, წავედით და მოვარღვიეთ წუხელ, ქურდულად, ღამის ორ საათზე შემოღობილი. იმ ქართველმა მუშებმა, რომლებიც ობიექტზე სამუშაოს ასრულებდნენ, გვერდზე გაიწიეს, რის შემდეგაც აქტიურობა თურქმა მოქალაქეებმა დაიწყეს, რასაც ცოტათი სხვა ელფერი მიეცა - სიტუაცია იძაბებოდა, დასაშვები იყო შეხლა-შემოხლა მომხდარიყო. თურქებმა საპატრულო პოლიციას დაურეკეს. მინდა განგიმარტოთ, რომ თურქული კომპანია არის შემსრულებელი; დამკვეთი შპს ”საქართველოს რკინიგზის” შვილობილი კომპანია ”რეილვეი ფროფერტი მენეჯმენტია”.
დავით რობაქიძე ამბობს, რომ თურქები ბათუმის ბულვარში საასტუმროს აშენებას ვერ შეძლებენ - ”თუ წინააღდეგობის ის ფორმა არ აღმოჩნდება საკმარისი, რომელსაც ისინი დღეს წააწყდნენ, მაშინ მე, ჩემი მეგობრები და ის ადამიანები, რომლებიც ბათუმში ცხოვრებას და სუნთქვას ვაპირებთ, მშვიდობიანი პროტესტის ყველანაირი ფორმით გავუწევთ წინააღმდეგობას, რათა შევინარჩუნოთ ჩვენი ქალაქი და მისი ფილტვები, რასაც ბულვარი ჰქვია. ჩვენ არ გვეშინია და მათ კი უნდა ეშინოდეთ ჩვენი”.
ეს საბჭო ადრე კულტურული მემკვიდრეობის სტრატეგიის, ორგანიზაციების კოორდინაციისა და ნებართვების დეპარტამენტს ექვემდებარებოდა და აქვე ხდებოდა იმის განხილვა, ძეგლის ტერიტორიაზე პატარა რესტორანი აშენდებოდა თუ ერთსართულიანი ლუდის ბარი, მაგრამ აჭარიდან წამოსული თხოვნის საფუძველზე, ამ საქმეს ახლა აჭარაში წყვეტენ - სათათბირო ორგანო შეიქმნა, რომელსაც ეწოდა კულტურული მემკვიდრეობის დაცვის საბჭო და ამ საბჭოში ფუნქციონირებდა კულტურული მემკვიდრეობის უძრავ ძეგლთა სექცია, რომელიც თავის მხრივ, შედიოდა აჭარის ა/რ. განათლების, კულტურისა და სპორტის სამინისტროს, კულტურული მემკვიდრეობისა და კულტურული ღონისძიებების დეპარტამენტში. ამ დეპარტამენტს ეკა მაძღარაშვილი ხელმძღვანელობდა.
ბათუმის ბულვარის ძეგლის სტატუსის ირგვლივ არსებული ვითარება ისევ ბურუსითაა მოცული. ამ საკითხს გასული წლის სამი ნოემბრიდან დღემდე არკვევენ, არკვევენ და ვერ გაურკვევიათ.
ეს იყო 2010 წლის 3 ნოემბრს. აი, რას გვპასუხობს დღეს აჭარის კულტურული მემკვიდრეობის დაცვის სააგენტოს ხელმძღვანელი, სოფო ლაზიშვილი იმასთან დაკავშირებით, აქვს თუ არა ძეგლის სტატუსი ბათუმის ბულვარს:
ჩვენს კითხვაზე - ხართ თუ არა ვალდებული რეაგირება მოახდინოთ იმაზე, რომ ძველ ბულვარში ხეებს ჭრიან, მიწას თხრიან? - ლაზიშვილი პასუხობს: ”ჩვენ როგორც განგვიმარტავენ, იქ ბულვარის განაშენიანების პროცესია, თორემ, როგორც ასეთი, რომ ეს სასტუმროსთვის კეთდება, ჩვენთან ამ ეტაპზე არანაირი დოკუმენტი არ არის შემოსული, რის გარეშეც ამ კონკრეტულ საკითხზე კომენტარს ვერ გავაკეთებ”.
