ევროპა ეჭვობს, შეძლებს თუ არა შეერთებული შტატები შეთანხმებების შესრულებას და საკუთარი, „პატრიოტის“ ტიპის საზენიტო-სარაკეტო სისტემების უკრაინაში გადაცემას, ახალი სისტემების სანაცვლოდ. ევროპელები შიშობენ, რომ ამას შეიძლება ორიდან შვიდ წლამდე დასჭირდეს.

ლოდინის რეჟიმში

ევროპელებისთვის კიევის საკუთარი „პატრიოტის“ საჰაერო თავდაცვის სისტემებისა და სხვა იარაღის მიწოდების შესახებ შეთანხმების მიღწევიდან თითქმის ერთი თვის შემდეგ, აშშ-სგან ახლის შეძენის სანაცვლოდ, მისი განხორციელების პერსპექტივები დიდი კითხვის ნიშნის ქვეშ დგას.

„ევროპული არსენალები უკრაინისთვის ადრე გაღებული შემოწირულობების გამო ამოწურულია და არსებობს შეშფოთების მიზეზი მათ საჰაერო თავდაცვაში, პოტენციურად გრძელვადიანი ხარვეზების შესახებ, თუ აშშ-ის მიწოდება ისეთი სწრაფი არ იქნება, როგორც აშშ-ის პრეზიდენტმა, დონალდ ტრამპმა მიანიშნა“, - წერს ევროპული მედია.

ვაშინგტონმა, შესაძლოა, კონტრაქტების შესრულებას დიდი დრო მოახმაროს, იმის გათვალისწინებით, რომ „პატრიოტზე“ მოთხოვნა მიწოდებას აღემატება. ევროპული მედიის ცნობით, მიწოდების ვადა ორი წელი იქნება, თუმცა ნატო-ს ტრანსფორმაციის ძალების უმაღლესმა მეთაურმა, ფრანგმა ადმირალმა, პიერ ვანდიემ ახალი „პატრიოტების“ წარმოების პერიოდი შვიდი წლით შეაფასა.

მსგავსი სიტუაციაა საჰაერო თავდაცვის სისტემებისთვის რაკეტების წარმოებასთან დაკავშირებით. ამავდროულად, ევროპული ქვეყნების საჰაერო თავდაცვა ისედაც შესუსტებულია უკრაინაში საჰაერო თავდაცვის სისტემების წინა მიწოდების გამო.

იტალია, ჩეხეთი და საფრანგეთი, მიუხედავად იმისა, რომ არ წყვეტენ უკრაინის მხარდაჭერას, ამერიკული იარაღის შესყიდვაში მონაწილეობას არ მიიღებენ. ჩეხეთის პრემიერ-მინისტრის, პეტრ ფიალას თქმით, პრაღა გეგმავს უკრაინის დასახმარებლად სხვა პროექტებზე ფოკუსირებას, მათ შორის, საარტილერიო ჭურვების მიწოდებაზე.

იტალიამ ტრამპის პროექტში მონაწილეობაზე უარი ქვეყნის ბიუჯეტში თანხების ნაკლებობით და კიევისთვის სამხედრო-სამრეწველო კომპლექსის პროდუქციის მიწოდების განზრახვით ახსნა. საფრანგეთმა ასევე განაცხადა, რომ უკრაინას საკუთარი წარმოების საჰაერო თავდაცვის სისტემებს მიაწვდიდა.

პარიზი და რომი, რომლებიც ცდილობენ თავიანთი ბიუჯეტების დაბალანსებას, უკვე იღებენ არაპოპულარულ ზომებს, ამიტომ არ სურთ მოქალაქეების გაბრაზება და ფულის დახარჯვა ამერიკული სამხედრო-სამრეწველო კომპლექსის მხარდაჭერაზე.

მიწოდება დაგვიანებულია

ამასობაში, სხვა ევროპული ქვეყნები ფიქრობენ, რამდენად სწრაფად შეძლებს აშშ მათთვის საზენიტო-საჰაერო თავდაცვის სისტემის შემცვლელის მიწოდებას. თავდაპირველად, დაგეგმილი იყო, რომ ეს მოკლე დროში მოხდებოდა, მაგრამ პრაქტიკაში, ეს სცენარი სულ უფრო ნაკლებად განხორციელებადი ჩანს.

ამჟამად ევროკავშირში, დაახლოებით, „პატრიოტის“ ტიპის 20 საზენიტო-სარაკეტო სისტემაა განთავსებული, კერძოდ, გერმანიაში, საბერძნეთში, ნიდერლანდებში, რუმინეთში, ესპანეთსა და პოლონეთში. მათგან მხოლოდ ბერლინია მზად, კიევს თავისი საზენიტო-სარაკეტო სისტემების ნაწილი გადასცეს.

გერმანიის თავდაცვის მინისტრის, ბორის პისტორიუსის თქმით, გერმანიამ და შეერთებულმა შტატებმა წინასწარი შეთანხმებას მიაღწიეს Patriot-ის ორი გამშვები რაკეტის პრიორიტეტულ ჩანაცვლებაზე, რომლებიც უკრაინას გადაეცემა.

უახლოეს მომავალში, როგორც თავდაცვის მინისტრმა აღნიშნა, გამშვები რაკეტები კიევში გაიგზავნება, ხოლო სისტემების დარჩენილი კომპონენტები - ორი-სამი თვის განმავლობაში. ბერლინს შეეძლება სწრაფად მიიღოს „პატრიოტი“ ვაშინგტონისგან, რადგან მას მიეწოდება საჰაერო თავდაცვის სისტემები, რომლებიც თავდაპირველად შვეიცარიისთვის იყო განკუთვნილი, 2022 წლიდან გაფორმებული კონტრაქტით.

ბერნმა აშშ-სგან ხუთი ასეთი სისტემა სამი წლის წინ შეუკვეთა და მათი მიღება 2027 წელს უნდა დაეწყო. თუმცა, წელს, ვაშინგტონმა შვეიცარიის ხელისუფლებას აცნობა, რომ მიწოდება „კიევის მხარდაჭერის გამო“ გადაიდო.

სხვა ევროპული ქვეყნები ეჭვქვეშ აყენებენ აშშ-ის ეფექტიანობას. უკრაინაში ომის დაწყებიდან, კიევმა ექვსი ბატარეა მიიღო: სამი - გერმანიიდან, ორი - აშშ-დან და ერთი - რუმინეთიდან. ბუქარესტი, რომელიც ვაშინგტონისგან პრიორიტეტულ შესყიდვაზე იყო გათვლილი, ახალ ბატარეას მხოლოდ 2029 წელს მიიღებს.

ევროპაში ისინი შეშფოთებულნი არიან არა მხოლოდ ახლების მიწოდების ვადებით, არამედ ამ ძვირადღირებული იარაღისთვის თანხების გამოყოფის პრობლემებითაც, იმის გათვალისწინებით, რომ ერთი გამანადგურებელი რაკეტა 4 მილიონი დოლარიდან ღირს, ხოლო ერთი ელემენტი - 1 მილიონი დოლარი.

ნატო-ს გენერალურმა მდივანმა, მარკ რუტემ შესთავაზა კიევისთვის იარაღის შესყიდვის ჩართვა დაგეგმილ თავდაცვის ხარჯებში, მშპ-ს 5%-ის ოდენობით. თუმცა, ჯერჯერობით, გერმანიამ, ნიდერლანდებმა და ნორვეგიამ, რომელიც ერთი კომპლექსის დაფინანსებას გეგმავს, განაცხადეს მზადყოფნა, რომ ამ პროცესში ფინანსური ინვესტიცია ჩადონ. 

უკრაინას Patriot-ის სისტემები სჭირდება

როგორც უკრაინის პრეზიდენტმა, ვოლოდიმირ ზელენსკიმ განაცხადა, კიევს ამისთვის ათი „პატრიოტის“ სისტემა და რაკეტა სჭირდება.

დასავლური მედიის ცნობით, უკრაინაში ადრე მიწოდებული ექვსი სისტემიდან, მხოლოდ ოთხი ფუნქციონირებს გამართულად, ყველა მათგანი კიევს იცავს, დანარჩენები კი შეკეთების პროცესშია. მოსალოდნელია გერმანიიდან ორი გამშვების სწრაფი მიწოდება, ხოლო მესამე ნორვეგიიდან უნდა ჩამოვიდეს, რომლის შეძენასაც ოსლო ვაშინგტონისგან აპირებდა. თუმცა, მიწოდების თარიღები უცნობია.

არსებობს კიდევ ერთი, თეორიულად შესაძლო ვარიანტი - რაკეტმფრენების შეძენა მესამე ქვეყნებიდან და მათი კიევში გადაცემა. თუმცა, ამ ინიციატივების შესახებ ინფორმაცია ჯერ არ გავრცელებულა.

წყარო: https://trt.global/russian/article/e8d728ed3b15