რუსეთის პრეზიდენტი ვლადიმერ პუტინი იმ ლიდერებს შორისაა, ვინც დონალდ ტრამპს ხელახალი არჩევა მიულოცა.

პუტინმა უშიშროების საბჭოს სხდომაზე აღნიშნა, რომ ოფიციალურ მოსკოვს არასოდეს უთქვამს უარი მოლაპარაკებებზე. მისივე თქმით, რუსეთს შეუძლია განიხილოს შეერთებული შტატების ახალ ადმინისტრაციასთან დიალოგის საკითხები, მათ შორის კონფლიქტი უკრაინაში.

სხვათა შორის, რუსეთის სახელმწიფოს მეთაურმა მილოცვის წერილი შეერთებული შტატების 46-ე პრეზიდენტს ჯო ბაიდენს 2020 წლის 15 დეკემბერს არჩევნებში გამარჯვების შემდეგ გაუგზავნა. 2021 წლის 26 იანვარს კი ბაიდენსა და პუტინს შორის სატელეფონო საუბარი შედგა. გასული წლის ზაფხულში ბაიდენმა რუსეთის სახელმწიფო მეთაურს „მკვლელი“ უწოდა, რამაც დიპლომატიური სკანდალი გამოიწვია. საპასუხოდ, პუტინმა თქვა, რომ ბაიდენს ჯანმრთელობას უსურვებს: „სხვების შეფასება საკუთარი თავის სარკეში ყურებას ჰგავს“.

ბაიდენმა, როდესაც საპრეზიდენტო უფლებამოსილება დასრულა, მან პუტინის შესახებ თქვა: „ის არ არის კარგი ბიჭი“.

მედიაში გავრცელებული ინფორმაციით, 2015 წელს არაერთი ცნობა გავრცელდა, რომ რუსეთი ჩაერია შეერთებული შტატების საპრეზიდენტო არჩევნებში და შედეგად, დონალდ ტრამპი გახდა პრეზიდენტი, თუმცა ამ საკითხთან დაკავშირებით სამართლებრივი შედეგი არ იქნა მიღწეული.

ასეთი ბრალდებები მის ხელახლა არჩევისას აღარ გაკეთებულა. დონალდ ტრამპმა თქვა, რომ მას სურს შეხვდეს რუსეთის პრეზიდენტს, რათა თავიდან აიცილოს მესამე მსოფლიო ომი და რომ რუსეთ-უკრაინის ომს ერთ დღეში მოაგვარებს.

ფიცის დადების ცერემონიის შემდეგ, ტრამპმა ახსენა ღაზას სექტორი და თქვა: „არ ვარ დარწმუნებული, გაგრძელდება თუ არა ცეცხლის შეწყვეტა ღაზაში. ჰამასი ძალიან დასუსტდა. მაგრამ ეს ომი ჩვენი არ არის. ეს მათი ომია“.

რა საკითხების განხილვა შეიძლება დონალდ ტრამპსა და ვლადიმერ პუტინს შორის? ისინი შეიძლება ჩამოვთვალოთ შემდეგნაირად:

1. უკრაინაში მშვიდობის მიღწევის მცდელობა. რუსეთ-უკრაინის ომის დაწყების მთავარი მიზეზი უკრაინის დასავლეთში, ნატოსა და ევროკავშირში ინტეგრაციის სურვილია. მეორე მხრივ, ამის საფუძველზე რუსეთის გაღიზიანების გამომწვევ ფაქტორებად განიხილება ისეთი საკითხები, როგორიცაა ევროპაში აშშ-ის გაფართოება და რეგიონში რაკეტების განლაგება.

ამიტომ, უკრაინაში მშვიდობის მიღწევა არ შეიძლება იყოს ადვილი, რადგან ოფიციალური კიევის მიდგომა ომისადმი ამ საკითხში განსხვავებულია. ისინი ხაზს უსვამენ ტერიტორიული მთლიანობის საკითხს. ასევე, ოფიცილური კიევი აცხადებს, რომ ამ მოთხოვნის და პირობის დაკმაყოფილების შემთხვევაში მოლაპარაკებები გაიმართება.

შეერთებული შტატების ერთ-ერთი ინტერესი არის ევროპის დაცვა რუსეთის საფრთხისგან.

ვაშინგტონი იქნება დისკრედიტირებული პოსტსაბჭოთა სივრცეში, თუ ის დაეთანხმება უკრაინის ტერიტორიულ დაკარგვას და აიძულებს ოფიციალურ კიევს მშვიდობა დადოს მოსკოვთან ან მსგავსი შეთანხმება. ამიტომ, რუსეთ-უკრაინის საკითხში მშვიდობის დამყარება დასავლეთსა და კრემლს შორის შეთანხმებებსაც ნიშნავს. ასევე, მიზანშეწონილი არ ჩანს რუსეთის მიერ უკრაინისგან ანექსირებული ტერიტორიების დაბრუნება.

ამიტომ, აშშ-რუსეთის ურთიერთობების პერსპექტივა ასევე დამოკიდებულია უკრაინის ომის ნებისმიერ შედეგზე.

თეთრ სახლში სიტყვით გამოსვლისას ტრამპმა თქვა, რომ ვოლოდიმერ ზელენსკი მზად არის რუსეთთან გარიგების დასადებად. აშშ-ის პრეზიდენტმა დასძინა, რომ კონფლიქტის შესაძლო დასრულების პერიოდს ვლადიმერ პუტინთან საუბრის შემდეგ გაიგებს.

2. ღაზას სექტორის მომავალი. ჰამასი-ისრაელის ომში რუსეთი თითქმის არ გამოჩნდა. გავრცელებული ნფორმაციით თელ-ავივსა და მოსკოვს შორის არის დაუწერელი შეთანხმება დადებული - ისრაელი უკრაინას არ მიაწვდის იარაღს, ხოლო რუსეთი ჰამასს.

3. ამერიკის შეერთებული შტატების მიერ პალესტინის სახელმწიფოს აღიარება. ამ საკითხში ირანისა და რუსეთის სტრატეგიული ალიანსიაც შეიძლება იყოს გათვალისწინებული. ამასთან სამხრეთ კავკასიასთან და ცენტრალურ აზიასთან ერთად ახლო აღმოსავლეთის ტერიტორიული მთლიანობის საკითხიც უნდა იყოს გათვალისწინებული.

4. საკითხი შეიძლება ეხებოდეს კონფლიქტური ინტერესების მოგვარებას სამხრეთ კავკასიის რეგიონში. ეს მოიცავს შუა დერეფანს, ზანგეზურის გზას, აზერბაიჯანსა და სომხეთს შორის ნორმალიზაციის პროცესს და საქართველოს ტერიტორიულ მთლიანობას.

5. კონფლიქტებში მასობრივი განადგურების იარაღის ნებისმიერი ფორმის, მათ შორის ბირთვული იარაღის გამოყენების დაუშვებლობა. ცოტა ხნის წინ ორივე ქვეყანამ გამოაცხადა, რომ ამ მიმართულებით ხელშეკრულებებიდან გამოდიან. ამიტომ, სავარაუდოა, რომ ეს საითხი ორმა ლიდერმა განიხილოს.

6. ეს არის ტერორიზმის წინააღმდეგ ერთობლივ ბრძოლაში თანამშრომლობის მოწოდება, დიალოგის ერთ-ერთ მთავარ თემად შეიძლება ჩაითვალოს.

7. მოლდოვას ტერიტორიული მთლიანობისთვის დაბრკოლებების მოხსნა.

8. უკრაინის ომში ჩრდილოეთ კორეის ჩართვის დაუშვებლობა.

9. ირანის პერსპექტივა. რუსეთისა და ისლამური რესპუბლიკის დაახლოების თემა შესაძლოა იყოს განხილული.

აღსანიშნავია, რომ აშშ-სა და რუსეთის ლიდერებს შორის ოთხი წელია მოლაპარაკებები არ ყოფილა. უკრაინის ომმა დააშორა ვაშინგტონი და მოსკოვი. გავრცელებული ინფორმაციით, დონალდ ტრამპისა და ვლადიმერ პუტინის სამიტი მიმდინარე წლის მარტში გაიმართება.

ერთ-ერთი მთავარი საკითხი ეხება იმ ადგილს, სადაც შეხვედრა გაიმართება. სად შეიძლება სამიტის ჩატარება? შვეიცარიის მთავრობამ უკვე გამოთქვა მზადყოფნა უმასპინძლოს ამ შეხვედრას. იმის გათვალისწინებით, რომ ბოსნია და ჰერცეგოვინამ, ესპანეთმა, მალტამ, სან მარინომ და შვეიცარიამ არ მოახდინეს რომის სტატუტის რატიფიცირება, შეხვედრა შეიძლება ჩატარდეს ერთ-ერთ ასეთ ქვეყანაში.

ვინაიდან თურქეთის ურთიერთობა ორივე ქვეყანასთან ნორმალურია, ღონისძიების ჩატარება შესაძლებელია თურქეთშიც მოხდეს. ბაქოს ასევე აქვს აშშ-ისა და რუსეთის მაღალჩინოსნების მასპინძლობის გამოცდილება. შესაბამისად, აზერბაიჯანსაც შეუძლია მოაწყოს ტრამპ-პუტინის შეხვედრა.

წყარო: https://report.az/analitika/trampla-putinin-sammiti-beynelxalq-munasibetlerde-ugur-serh/