მიუხედავად იმისა, რომ მადრიდის „რეალმა" გააცნობიერა, რომ პსჟ-ის თავდამსხმელი კილიან მბაპე ფრანგული მედიის მხრიდან ზეწოლას განიცდიდა, მას შემდეგ, რაც ზაფხულში შეიტყვეს მოთამაშის პარიზული კლუბიდან წასვლის შესახებ, მადრიდელები მაინც შეშფოთებულნი არიან კრიტიკის მოცულობით, რომელიც 25 წლის ფეხბურთელის მიმართ ისმის - წერს Sport.es.

წყაროს ცნობით, მადრიდული კლუბი უკვე დაუკავშირდა მბაპეს, რათა გამოეხატა მხარდაჭერა და დაარწმუნოს, რომ ეს მოსალოდნელი იყო.

ხაზგასმულია, რომ ფრანგულმა მედიამ გააძლიერა კრიტიკა ფეხბურთელის მიმართ მას შემდეგ, რაც მან უკმაყოფილება გამოთქვა ლიგა 1-ის 27-ე ტურის „მარსელთან“ მატჩის (0:2) 65-ე წუთზე შეცვლით.

ადრე გავრცელდა ინფორმაცია, რომ მბაპე მომავალ ზაფხულს მადრიდის „რეალს" შეუერთდება, რომელთანაც 2029 წლამდე კონტრაქტი უკვე გააფორმა.