საქართველოს საკალათბურთო ნაკრები ევროპის 2025 წლის ჩემპიონატის შესარჩევ ეტაპს სტუმრად დანიასთან მატჩით დაიწყებს. სამზადისის შესახებ ქართველმა კალათბურთელებმა გიორგი შერმადინმა და ალექსანდრე ფევაძემ გააკეთეს.
გიორგი შერმადინი: „გუნდში ძალიან კარგი განწყობაა, დანიაში ვემზადებით. დანიის ნაკრები ძალიან კარგი გუნდია, მაგრამ ყველაფერს გავაკეთებთ, რასაც ჩვენი ახალი მწვრთნელი დაგვავალებს და იმედია, მოგებით დავიწყებთ შესარჩევ ეტაპს.
ალექსანდრე ფევაძე: „მოსამზადებელი პროცესი საკმაოდ კარგად მიმდინარეობს, ყველანი ვცდილობთ, რომ ზედმიწევნით შევასრულოთ მწვრთნელის დავალებები, ვამუშავებთ, როგორც შეტევას, ასევე დაცვას და ვფიქრობ, თამაშისთვის 100%-ით მზად ვიქნებით“.
შეგახსენებთ, რომ საქართველოს ნაკრები 23 თებერვალს, სტუმრად დანიას შეხვდება, ხოლო 26 თებერვალს, შინ სერბეთს დაუპირისპირდება.
