დიდი ალბათობით „ნაპოლის“ სულ მალე ახალი მწვრთნელი ეყოლება. იტალიური მედიის ცნობით, აურელიო დე ლაურენტისი დღეს ვალტერ მაძარის გაათავისუფლებს.
მიუხედავად იმისა, რომ ჩემპიონთა ლიგაზე „ბარსელონასთან“ მატჩამდე მხოლოდ ორი დღეა დარჩენილი, „ნაპოლის“ ბოსი მწვრთნელს ცვლის. მაძარის ნაცვლად გუნდს ფრანჩესკო კალცონა ჩაიბარებს, როგორც მინიმუმ ამ სეზონის ბოლომდე.
აღსანიშნავია, რომ ის სლოვაკეთის ნაკრების მწვრთნელია, რომელიც ევროპის ჩემპიონატზე გაიყვანა. თუმცა, სლოვაკებმა თანხმობა განაცხადეს, რომ იტალიელმა პარალელურად „ნაპოლიშიც“ იმუშაოს. კალცონას ასისტენტი „აძურიში“ ვეტერანი სლოვაკი ფეხბურთელი მარეკ ჰამშიკი იქნება, რომელიც „ნაპოლის“ ლეგენდაა.
არაა გამორიცხული ინფორმაცია დღის განმავლობაში ოფიციალურად დადასტურდეს. ფრანჩესკო კალცონა სლოვაკეთის ნაკრებს 2022 წლიდან ავარჯიშებს. მანამდე ის მწვრთნელის ასისტენტი იყო „პერუჯაში“, „ალესანდრიაში“, „სორენტოში“, „ემპოლიში“ და „კალიარიში“. ფრანჩესკო კარგად იცნობს „ნაპოლის“, სადაც 2015-2018 წლებში მაურიციო სარის, ხოლო 2021-2022 წლებში ლუჩანო სპალეტის ასისტენტი იყო.
