„ნაპოლის“ მთავარმა მწვრთნელმა ვალტერ მაძარიმ სერია A-ს 24-ე ტურში „მილანთან“ მარცხის შემდეგ (0:1), სერია A-ს დარჩენილ სეზონში გუნდის მთავარ მიზანზე ისაუბრა.
„ჩვენი მიზანია რაც შეიძლება მეტი მატჩის მოგება. მიუხედავად ტრავმების პრობლემებისა, დღეს შესანიშნავი თამაში ვაჩვენეთ და წაგებას არ ვიმსახურებდით, არადა ჩვენი მეტოქე ლიგის ერთ-ერთი საუკეთესო გუნდი იყო. ვინც ცხრილში გვისწრებს ბევრი ჯერ კიდევ არ ჩამოსულა ნეაპოლში, ამიტომ დარწმუნებული ვარ, მინიმუმ მეოთხე ადგილისთვის ვიბრძოლებთ“, - ციტირებს მწვრთნელის სიტყვებს DAZN.
„ნაპოლი” სერია A-ს სატურნირო ცხრილში 35 ქულით მეცხრე ადგილზეა. მეოთხე ადგილზე მყოფ „ატალანტასთან“ სხვაობა 7 ქულაა.
![ოლიმპიური თამაშების დაწყებამდე რამდენიმე დღით ადრე, პარიზის მერმა მდინარე სენაში გაცურა [ვიდეო]](https://for.ge/uploads/images/thumbs/1721210490_282098.jpg)
