სტოკჰოლმში ლიტერატურის დარგში ნობელის პრემიის ლაურეატი დაასახელეს. 2023 წელს ჯილდო ნორვეგიელმა მწერალმა იუნ ფოსემ მიიღო „ნოვატორული პიესებისა და პროზისთვის, რომლებიც ხმას აძლევს გამოუთქმელს“.
ნობელის კვირეული ტრადიციულად ფიზიოლოგიისა და მედიცინის დარგში გამარჯვებულების გამოვლენით გაიხსნა. ჯილდო კატალი კარიკოსა და დრიუ ვაისმანს გადასცეს „ნუკლეოზიდური ფუძის მოდიფიკაციებთან დაკავშირებული აღმოჩენისთვის“, რომელმაც COVID-19-ს საწინააღმდეგო ი-რნმ-ის ვაქცინის შექმნა გახადა შესაძლებელი. 3 ოქტომბერს კი ნობელის პრემია ფიზიკაში ელექტრონების კვლევებისთვის პიერ აგოსტინის, ფერენც კრაუსსადა ანა ლ’უიეს გადაეცათ. ნობელის პრემია ქიმიის დარგში კვანტური წერტილების შექმნის მეთოდის ავტორებს მიენიჭათ
6 ოქტომბერს მშვიდობის დარგში ნობელის პრემიის ლაურეატი დასახელდება. 9 ოქტომბერს გახდება ცნობილი ვინ მიიღებს ალფრედ ნობელის სახელობის პრემიას ეკონომიკის დარგში.
