Netflix-მა ცნობილი ბრიტანელი მომღერლის, რობი უილიამსის შესახებ გადაღებული დოკუმენტური მინი-სერიალის თიზერი გამოაქვეყნა.
ფილმი 4 სერიისგან შედგება და მასში ბოლო 30 წლის განმავლობაში გადაღებული ექსკლუზიური საარქივო ვიდეოები შევა. Netflix-ში აცხადებენ, რომ უილიამსის თაყვანისმცემლები „შოკირებულები“ იქნებიან.
მანამდე უილიამსი ამბობდა, რომ სერიალში ასახული იქნება მისი ბრძოლა ნარკოდამოკიდებულებასთან და ფსიქიკურ აშლილობებთან და პირობას დებდა, რომ პროექტი ძალიან გულახდილი იქნება.
პროექტის რეჟისორია ჯო პერლმანი, რომელმაც გადაიღო სპეციალური ეპიზოდი „ჰარი პოტერი 20 წლის შემდეგ“. სერიალის პრემიერის თარიღი ამ ეტაპზე უცნობია.
