აშშ-ში, ლოს-ანჯელესის ერთ-ერთ პარკში ერთდროულად 219 ძაღლი შეიკრიბა და მულტფილმი „ლეკვების პატრული: მეგაფილმი“ ნახა - ეს კინოჩვენებაზე ძაღლების დასწრების ახალი მსოფლიო რეკორდია. ინფორმაციას სტუდია Paramount Pictures-ი ავრცელებს.
ღონისძიებას სხვადასხვა ჯიშის ოთხფეხა კინომოყვარულები პატრონებთან ერთად დაესწრნენ. პარკში ასევე იმყოფებოდა გინესის რეკორდების წიგნის წარმომადგენელი, რომელმაც რეკორდი დააფიქსირა. ღონისძიების მიზანი „ლეკვების პატრულის“ რეკლამა იყო.
კინოჩვენებაზე ძაღლების დასწრების წინა რეკორდი 2022 წელს დამყარდა. მაშინ, ილინოისის შტატში 199 ცუგა შეიკრიბა.
