ჰარი პოტერში პროფესორ დამბლდორის როლის შემსრულებელი, ბრიტანელი მსახიობი მაიკლ გემბონი გარდაიცვალა. ამის შესახებ The Guardian-ი წერს.
გამოცემის ინფორმაციით, გემბონი 82 წლის იყო. მისი ოჯახის მიერ გავრცელებულ განცხადებაში ნათქვამია, რომ ის საავადმყოფოში, ახლობლების გარემოცვაში, პნევმონიის შედეგად გარდაიცვალა.
გემბონი დუბლინში, 1940 წლის 19 ოქტომბერს დაიბადა. კარიერა დაიწყო როგორც თეატრის მსახიობმა. მას არაერთ ფილმშიც უთამაშია, თუმცა, ყველაზე დიდი პოპულარობა მას „ჰარი პოტერის“ შესახებ ფილმებმა მოუტანა - საგის 6 სურათში მან ჰოგვორტსის დირექტორის, ალბუს დამბლდორის როლი შეასრულა.
1999 წელს დედოფალმა ელისაბედ მეორემ მას რაინდის ტიტული მიანიჭა.
