მიუნხენის „ბაიერნმა“ Audi Summer Tour-ის ფარგლებში, სინგაპურის თასის ფინალში „ლივერპულს“ 4:3 მოუგო და პრიზის მფლობელი გახდა.
თავიდან მერსისაიდელები კოდი გაკპოსა და ვირჯილ ვან დეიკის გოლებით იგებდნენ, მაგრამ სერჟ გნაბრიმ და ლეროი სანემ იყოჩაღეს, თითო ბურთი გაიტანეს და პირველ ტაიმი ფრედ - 2:2 დასრულდა.
შესვენების შემდეგ „წითლები“ ლუის დიასმა კვლავ დააწინაურა, მაგრამ იოსიპ სტანიშიჩმა და მეორე გუნდიდან დაწინაურებულმა ახალწვეულმა, ფრანს კრეტციგმა (91-ე წუთზე) გამარჯვება ბავარიელებს მოუტანეს - 4:3.
„ბაიერნის“ შემადგენლობაში ხვიჩა კვარცხელიას ყოფილმა ნეაპოლელმა თანაგუნდელმა, კორეელმა კიმ მინ ჯემ, პირველ ტაიმში ითამაშა. მეორეში ის მატეის დე ლიხტმა შეცვალა.
