„ნაპოლის“ მთავარი მწვრთნელი ლუჩანო სპალეტი კლუბის პრეზიდენტ აურელიო დე ლაურენტისს შეხვდა, რომელთანაც თავისი მომავალი განიხილა.
შეხვედრიდან გამოსულმა ლუჩანო სპალეტიმ კომენტარის გაკეთება არ ისურვა, მხოლოდ ის თქვა, რომ „ნაპოლის“ კარგი მომავალი აქვს:
„ნაპოლის“ ლამაზი მომავალი აქვს. კლუბმა ერთი სწორი ნაბიჯი გადადგა, თითქმის მეორეც“, - აღნიშნა ლუჩანომ, რომელმაც შეკითხვა, იქნება თუ არა, მომდევნო სეზონშიც „ნაპოლიში“, უპასუხოდ დატოვა.
შეგახსენებთ, რომ ლუჩანო სპალეტი „ნაპოლის“ 2021 წლიდან ავარჯიშებს და გუნდს 33-წლიანი პაუზის შემდეგ სკუდეტო მოაგებინა.
