ქართველმა მოფარიკავე სანდრო ბაზაძემ სამხრეთ კორეის გრან პრიზე ვერცხლის მედალი მოიპოვა.
ბაზაძემ, რომელიც რეიტინგის ლიდერია, ჯერ მასპინძელი ჯუნჰო კიმი 15:14 დაამარცხა, ნახევარფინალში კი იტალიელ მატეო ნერის 15:14 აჯობა. სანდრო ფინალში სამხრეთკორეელ სანგუკ ოს შეხვდა, რომლის წინააღმდეგ დაძაბულ ბრძოლაში 14:15 წააგო.
აქვე გეტყვით, რომ ბაზაძემ ალჟირსა და ტუნისში ოქროს, ხოლო ორლეანსა და ბუდაპეშტში ვერცხლის მედალი მოიპოვა. ქართველი მოფარიკავე მსოფლიო თასის ლიდერია და ზედიზედ მეათე ტურნირზე მოხვდა საუკეთესო სამეულში.
