”სირცხვილი პრემიერსა და პარლამენტის თავმჯდომარეს” - ამბობს ჯონდი ბაღათურია. მისი თქმით, მაშინ როდესაც ქვეყანას სამი ჯარისკაცი მოუკვდა და 26 დაეჭრა, ხელისუფლება ერთად ერთად უნდა გლოვობდეს და გეებს ხელს არ უნდა უწყობდეს აღლუმის მოწყობაში. ბაღათურია ირწმუნება, რომ თავად გახდა იმ ფაქტის თვითმხილველი, როდესაც ლგბტ ადამიანები საპროტესტო აქციაზე მოსული ადამიანების პროვოცირებას ცდილობდნენ...
- ბატონო ჯონდი, რა დაინახეთ ლგბტ ადამინების მიერ მოწყობილ აქციაზე ისეთი, რამაც ჰეტეროსექსუალების ასეთი გაღიზიანება გამოიწვია?
- მე დავინახე, რომ ავტობუსით მოსულმა "ქალებმა" (გარეგნულად ქალებს კი ჰგავდნენ, მაგრამ შინაგანად რად მიაჩნდათ თავი, არ ვიცი და არც მაინტერესებს) მაინცდამაინც ლოცვის დროს ისეთი რაღაცები გააკეთეს, რასაც ვერავინ მოითმენდა.
- რას გულისხმობთ?
- ვერ ვიტყვი, უხერხულია, მანერებითა და შეძახილებით ქართველი ხალხი შეურაცხყვეს. ძალიან ცუდად მოიქცნენ და სწორედ მაშინ იხუვლა ხალხმა. მადლობა ღმერთს, მამაოებმა შესძლეს მათი შეჩერება. მარტო პოლიცია იქ ვერაფერს გახდებოდა. სხვათა შორის, მინდა აღვნიშნო, რომ პოლიციამ ივაჟკაცა და მაღალი პროფესიონალიზმი გამოიჩინა. პირადად შევესწარი, რომ პოლიციელმა აქციის მონაწილე გადაარჩინა და თავად დაზიანდა. ის ერთადერთი არ ყოფილა, სამი პოლიციელის თავდადება ჩემი თვალით დავინახე. იმედი მაქვს, ამ ადამიანებს დააჯილდოვებენ.
- რამდენად მართებულად მიგაჩნიათ, რომ ქრისტიანები განსხვავებული აზრის გამო ადამიანებს ფიზიკურად უპირისპირდებიან?
- რა თქმა უნდა, ქრისტიანობა ძალადობას გამორიცხავს, მაგრამ არც თავდაუცველობას ნიშნავს. როდესაც მორწმუნე ადამიანს თავს ძალით გახვევენ იმას რაც არ მოგწონს, ხელიც უნდა მოიქნო და ხმალიც. ჩვენს წინაპრებს ყველაფრისთვის თავი რომ შეეშვირათ, დღემდე ვერ მოვაღწევდით. ჩვენ, მართლმადიდებელ ქრისტიანებს არავის უფლება არ დაგვირღვევია. ლოგინში არავის ვუვარდებით. აკეთონ რაც უნდათ, მაგრამ ამ გარყვნილების საჯაროდ დემონსტრირებას და პროპაგანდას თავი დაანებონ. ადამიანები ღორის, ვირისა და ძაღლისაგან იმითაც განვსხვავდებით, რომ ბიოლოგიურ მოთხოვნებს საჯაროდ არ ვიკმაყოფილებთ. ჩვენ არ გვინდა, რომ ორი მუტრუკი ქუჩაში, ჩვენი შვილების, ცოლების, დების წინ ერთმანეთს კოცნიდეს. ეს ჩვენი დამცირებაა. ლგბტ ადამინების თავისუფლება იქ მთავრდება სადაც, სხვისი ღირსება იწყება. რუსთაველის გამზირზე გეიაღლუმის მოწყობა ჩვენი ღირსების შელახვაა. მე ასე ვფიქრობ, ასე ფიქრობს ქართველების 99%-იც. ჩვენ ერთმნიშვნელოვნად მიგვაჩნია, გეიფლეშმობებისა და გეიაღლუმების ადგილი საქართველოში არ არის. რატომ გვაიძულებენ, რომ მათ მიმართ სიმპათიით ვიყოთ განწყობილნი? მათ მართლა არავინ არაფერს ერჩის, ყველა იმ კონსტიტუციური უფლებით სარგებლობენ, რითაც სხვა მოქალაქეები. ამიტომ ზედმეტი მატრაკვეცობა და ხალხის გაღიზიანება საჭირო არ არის. მათი ქმედება აშკარად პროვოკაციულ ხასიათს ატარებს. დააკვირდით, რას აკეთებენ, რუსთაველზე, სადაც 9 აპრილი მოხდა და სადაც იუნკერები განისვენებენ გეიაღლუმს გვიწყობენ, თანაც იმ დროს როდესაც სამი გმირი ჯარისკაცი გვყავს გარდაცვლილი, 26 კი დაჭრილი.
- ლგბტ ადამიანები ამბობენ, აქციებს იმიტომ აწყობენ, რომ მათი უფლებები ილახება, რომ სამსახურიდან უმიზეზოდ ათავისუფლებენ...
- მე არც მინახავს და არც გამიგია, ადამიანი სამსახურიდან ორიენტაციის გამო გაათავისუფლონ. უფრო მეტიც გეები ყველაზე კარგ, მაღალანაზღაურებად სამსახურებში არიან, ხშირად საკმაოდ მაღალი პოლიტიკური თანამდებობებიც კი უკავიათ. მათ არც სხვა მხრივ ჩაგრავს ვინმე თუ ზღვარს არ გადავლენ, იუნკერების საფლავზე მათი აღლუმის მოწყობა კი ზღვარზე გადასვლაა. მე მათ წინააღმდეგ მოწყობილ აქციაზე მივედი, როგორც რიგითი მოქალაქე და არა როგორც პოლიტიკოსი. სხვათა შორის, უნდა აღვნიშნო, პოლიტიკური სპექტრიდან მხოლოდ მე, კახა კუკავა და დიმიტრი ლორთქიფანიძე ვიყავით. ძალიან გულდაწყვეტილი დავრჩი. საქართველოს პარლამენტში ერთი კაცი როგორ არ აღმოჩნდა, ვინც ქართველი ხალხის 99%-ის ინტერესებს გამოხატავდა და ამ მარაზმის წინააღმდეგ გამოვიდოდა? ამას ”რესპუბლიკელებისგან” არც მოველოდი. იმიტომ, რომ ეგენი არასდროს იტყუებოდნენ, ყოველთვის ვიცოდი, რომ გეების მხარდამჭერები იყვნენ, მაგრამ სხვა დანარჩენებისგან, რომლებსაც ქართველობაზე ჰქონდათ პრეტენზია, ძალიან გამიკვირდა... განსაკუთრებით ბიძინა ივანიშვილის პოზიციით დავრჩი გაოცებული. ძალიან ვინანე, მისი რომ მჯეროდა. ე.ი. დღეს ჩვენ ყველაზე სამარცხვინო პარლამენტი გვყავს, რაც კი ოდესმე გვყოლია.
- დღევანდელ პარლამენტი და ხელისუფლება ევროპასთან ანგარიშვალდებულია. ალბათ იცით, რომ ევროკავშირის მრჩეველმა ადამიანის უფლებათა საკითხებში, თომას ჰამერბერგმა ილია მეორეს მიმართა, დემონტრანტებისთვის აქციის დაშლისკენ მოეწოდებინა.
- ჩვენ, პირველ რიგში სამშობლოსა და ღვთის წინაშე ვართ ანგარიშვალდებულები. თუ საკუთარ ღმერთსა და სამშობლოს ღალატობ, მაშინ არც ევროპისთვის ივარგებ და არც აზიისთვის. მმართველმა გუნდმა თავი შეირცხვინა, რაზედაც პასუხისმგებლობა ეკისრება პრემიერსა და პარლამენტის თავმჯდომარეს. მათ სამშობლო და ეკლესია არ დაიცვეს. თუ ბიძინა ივანიშვილი ”რესპუბლიკელების” ჭკუაზე კიდევ დიდხანს ივლის, ხალხის პირისპირ აღმოჩნდება. რაც შეეხება თომას ჰამერბერგს, ის ჩვენი საზოგადოების წევრი არ არის, არ იცის ჩვენი ცხოვრების წესი, არ იცნობს ჩვენს ცნობიერებას, ტრადიციებს. ამიტომ მისი მხრიდან ასეთი მიმართვის გაკეთება არც მიკვირს და არც მწყინს. მე არ ვამბობ, რომ ჰამბეგერი ცუდი უფლებადამცველია, მაგრამ სავალდებულო არ არის, რომ ქართველებმა ყველა მისი სიტყვა გავითვალისწინოთ. არც ის და არც დანარჩენი ევროპელები თავს არ უნდა გვახვევდნენ იმას, რაც ქართველებისთვის ორგანულად მიუღებელია. თუ ევროპის კავშირში დემოკრატიაა, თუ ევროპის საბჭო პატივს სცემს მრალფეროვნებასა და განსხვავებულ ცნობოერებას, ჩვენც მიგვიღონ ისეთები, როგორებიც ვართ, ანუ ტრადიციულები, ეროვნულები და ეკლესიურები. ნუ გვაიძულებენ, დავმდუმდეთ, მაშინ როდესაც რჯულს შეგვიგინებენ. ჩვენ საკმაოდ დიდი კულტურისა და ტრადიცების მქონე ხალხი ვართ და გადაკეთება არ გვესაჭიროება.
