ბრი­ტა­ნუ­ლი სა­მა­უ­წყებ­ლო კომ­პა­ნია ბი-ბი-სი-ს რუ­სუ­ლი სამ­სა­ხუ­რი (BBC Russian) აქ­ვეყ­ნებს სტა­ტი­ას, სა­თა­უ­რით: "რამ­ზან კა­დი­რო­ვი თურ­ქეთ­ში ჯო­ხარ დუ­და­ე­ვის ძეგლის გახ­სნის წი­ნა­აღ­მდე­გია: რას ამ­ბო­ბენ მოს­კოვ­სა და ან­კა­რა­ში“.

გთა­ვა­ზობთ პუბ­ლი­კა­ცი­ის შე­მოკ­ლე­ბულ ში­ნა­არსს:

"ჩეჩ­ნე­თის ლი­დერ­მა რამ­ზან კა­დი­როვ­მა მკაც­რად გა­აკ­რი­ტი­კა თურ­ქე­თის ხე­ლი­სუფ­ლე­ბა და ტე­რო­რიზ­მის ხელ­შე­წყო­ბა­სა და წა­ქე­ზე­ბა­ში და­ა­და­ნა­შა­უ­ლა. კრი­ტი­კის სა­ბა­ბი გახ­და ქა­ლაქ კორ­ფე­ზე­ში ) სტამ­ბო­ლი­დან 90 კმ-ის მო­შო­რე­ბით) ჩეჩ­ნე­თის (იჩ­ქე­რი­ის) პირ­ვე­ლი პრე­ზი­დენ­ტის ჯო­ხარ დუ­და­ე­ვის სა­ხე­ლო­ბის პარ­კი­სა და იქვე მისი ძეგლის გახ­სნა. რო­გორც ცნო­ბი­ლია, ჯო­ხარ დუ­და­ე­ვი თვით­გა­მო­ცხა­დე­ბუ­ლი რეს­პუბ­ლი­კის მე­თა­უ­რი იყო, რო­მე­ლიც რუ­სეთ­თან კონ­ფლიქ­ტის დროს, 1996 წლის აპ­რილ­ში და­ი­ღუ­პა.

რამ­ზან კა­დი­რო­ვი და­ი­მუქ­რა, რომ სა­პა­სუ­ხოს იგი გროზ­ნო­ში ქურ­თის­ტა­ნის მუ­შა­თა პარ­ტი­ის და­მა­არ­სებ­ლის აბ­დუ­ლა ოჯა­ლა­ნის ძეგლს გახ­სნის, მისი სა­ხე­ლის უკ­ვდავ­სა­ყო­ფად. ეს ორ­გა­ნი­ზა­ცია თურ­ქეთ­ში ტე­რო­რის­ტუ­ლად მი­იჩ­ნე­ვა, მისი ლი­დე­რი აბ­დუ­ლა ოჯა­ლა­ნი კი იმ სა­პყრო­ბი­ლე­ში იხ­დის სას­ჯელს, რო­მე­ლიც კუნ­ძულ იმ­რალ­ზე მდე­ბა­რე­ობს.

"ღიად მივ­მარ­თავ თურ­ქე­თის პრე­ზი­დენტს რე­ჯეფ ერ­დო­ღანს - გონს მო­დით! თქვენ ან ისე­თი სა­ხელ­მწი­ფოს სტა­ტუსს იღებთ, რო­მე­ლიც ტე­რო­რის­ტებს სა­ჯა­როდ მხარს უჭერს, ან რუ­სე­თის ფე­დე­რა­ცი­ას­თან ნორ­მა­ლურ ურ­თი­ერ­თო­ბას გა­აგ­რძე­ლებთ და მის ზურგს უკან პო­ლი­ტი­კას არ შე­იც­ვლით“, - და­წე­რა რამ­ზან კა­დი­როვ­მა 22 დე­კემ­ბერს თა­ვის "ტე­ლეგ­რა­მარხში", - "ვიდ­რე თურ­ქეთ­ში თავს აფა­რე­ბენ ძებ­ნი­ლი ბან­დი­ტე­ბი და კა­ცისმკვლე­ლე­ბი, ვიდ­რე ისი­ნი ღიად აწყო­ბენ ღო­ნის­ძი­ე­ბებს პარ­კე­ბი­სათ­ვის იმ ტე­რო­რის­ტე­ბის სა­ხე­ლის დარ­ქმე­ვის მიზ­ნით, რომ­ლებ­საც ხელი ათა­სო­ბით მშვი­დო­ბი­ა­ნი მო­ქა­ლა­ქის სის­ხლში აქვთ გას­ვრი­ლი, მა­ნამ ჩვენ ვი­ტო­ვებთ სა­პა­სუ­ხო მოქ­მე­დე­ბის უფ­ლე­ბას“.

რუ­სე­თი­სა და თურ­ქე­თის პო­ზი­ცია
ოთხშა­ბათს კრემლში ჟურ­ნა­ლის­ტებ­მა პრე­ზი­დენ­ტის პრესმდი­ვანს დი­მიტ­რი პეს­კოვს ჰკი­თხეს, თუ რა კო­მენ­ტარს გა­უ­კე­თებ­და იგი რამ­ზან კა­დი­რო­ვის გან­ცხა­დე­ბას.

"ჩეჩ­ნე­თის ლი­დერ­მა თა­ვი­სი გრძნო­ბე­ბი ძა­ლი­ან ემო­ცი­უ­რად გა­მოხ­ტა, მაგ­რამ ამის ახ­სნა შე­იძ­ლე­ბა. ეს არის იმ რე­გი­ო­ნის ლი­დე­რის რე­აქ­ცია, რომ­ლე­მაც რამ­დე­ნი­მე ომი და ტე­რო­რის­ტე­ბის მიერ ინი­ცი­რე­ბუ­ლი კონ­ფლიქ­ტი გა­და­ი­ტა­ნა. მათ რუ­სე­თის ამ რე­გი­ო­ნის გა­კონ­ტრო­ლე­ბა სურ­დათ“, - აღ­ნიშ­ნა პრესმდი­ვან­მა და და­ა­კონ­კრე­ტა:

"ერთ-ერთი ტე­რო­რის­ტი, რო­მე­ლიც ასე აკეთ­და, რა­ღაც მო­მენ­ტში მათი წი­ნამ­ძღო­ლი ჯო­ხარ დუ­და­ე­ვიც იყო... ასე რომ, როცა რამ­ზან კა­დი­როვ­მა გა­ი­გო, რომ თურ­ქეთ­ში პარკს ჯო­ხარ დუ­და­ე­ვის სა­ხე­ლი უწო­დეს და იქ მისი ძეგლიც გახ­სნეს, მისი რე­აქ­ცია სრუ­ლი­ად გა­სა­გე­ბია“.

დი­მიტ­რი პეს­კოვ­მა გა­იხ­სე­ნა, რომ რუ­სეთ­მა პო­ზი­ცია მსგავს ფაქ­ტებ­ზე ჯერ კი­დევ 15 დე­კემ­ბერს გა­მო­ხა­ტა, როცა სა­გა­რეო საქ­მე­თა სა­მი­ნის­ტროს ოფი­ცი­ა­ლურ­მა წარ­მო­მად­გე­ნელ­მა მა­რია ზა­ხა­რო­ვამ განა­ცხა­და - "რუ­სე­თი­სათ­ვის მი­უ­ღე­ბე­ლია ყვე­ლა ჯუ­რის ექ­სტრე­მის­ტის, ტე­რო­რის­ტი­სა და კო­ლა­ბო­რა­ცი­ო­ნის­ტი­სათ­ვის ძეგ­ლე­ბის დად­გმა“.

თურ­ქეთ­ში რამ­ზან კა­დი­რო­ვის გან­ცხა­დე­ბა მთავ­რო­ბას­თან და­ახ­ლო­ე­ბულ გა­ზეთ "დე­ი­ლი სა­ბაჰ­ში" (Daily Sabah) ასე­თი ფორ­მუ­ლი­რე­ბით გა­მოქ­ვეყ­ნდა - "რუ­სე­თის რე­გი­ო­ნუ­ლი ლი­დე­რი რამ­ზან კა­დი­რო­ვი და­ი­მუქ­რა, რომ ლე­გენ­და­რუ­ლი პი­როვ­ნე­ბის ჯო­ხარ დუ­და­ე­ვის­თვის ძეგლის გახ­სნის სა­პა­სუ­ხოდ იგი ტე­რო­რის­ტუ­ლი ორ­გა­ნი­ზა­ცი­ის მე­თა­უ­რის აბ­დუ­ლა ოჯა­ლა­ნის ძეგლს გახ­სნის“. კი­დევ ერ­თმა გა­ზეთ­მა - "იენი სა­ფაკ­მა" (Yeni Safak) აღ­ნიშ­ნა, რომ ჩე­ჩე­ნე­თის ლი­დერ­მა თურ­ქე­თი ტე­რო­რიზ­მის მხარ­და­ჭე­რა­ში და­ა­და­ნა­შა­უ­ლაო... იგი­ვე გა­ი­მე­ო­რეს სხვა გა­ზე­თებ­მაც.

თურ­ქუ­ლი მა­ს­მე­დია კო­მენ­ტარს უკე­თებს რამ­ზან კა­დი­რო­ვის გან­ცხა­დე­ბას: ჩეჩ­ნე­თის ლი­დე­რი პირ­და­პირ ამ­ბობს თურ­ქეთ-რუ­სე­თის ურ­თი­ერ­თო­ბის სა­ვა­რა­უ­დო გა­უ­რე­სე­ბა­ზე და ან­კა­რას მო­უ­წო­დებს ფრთხი­ლად იყოს, ხოლო მოს­კოვს - აქ­ტი­უ­რი დიპ­ლო­მა­ტი­უ­რი ნა­ბი­ჯე­ბი გა­დად­გას.

რო­გორც "დე­ი­ლი სა­ბა­ჰი“ წერს, თურ­ქეთს და რუ­სეთს ერ­თმა­ნეთ­თან მჭიდ­რო ურ­თი­ერ­თო­ბე­ბი აქვთ და აქ­ტი­უ­რად მო­ნა­წი­ლე­ო­ბენ რე­გი­ო­ნუ­ლი პრობ­ლე­მე­ბის მოგ­ვა­რე­ბა­ში, მა­გა­ლი­თად, სი­რი­ის კრი­ზის­ში, სამ­ხრეთ კავ­კა­სი­ა­ში და სხვა­გან. მოს­კოვ­სა და ან­კა­რას ფარ­თო კონ­ტაქ­ტე­ბი აქვთ სამ­ხედ­რო სფე­რო­შიც - თურ­ქეთ­მა რუ­სუ­ლი სა­რა­კე­ტო სის­ტე­მა С-400 შე­ის­ყი­და.