შაქარაშვილის საქმეზე დაკავებულის მამა ამბობს, რომ ვანო მერაბიშვილის აგენტი იყო – რა საერთო აქვს მუხროვანის ამბოხთან?

შაქარაშვილის საქმეზე დაკავებულის მამა ამბობს, რომ ვანო მერაბიშვილის აგენტი იყო – რა საერთო აქვს მუხროვანის ამბოხთან?

გიორგი შაქარაშვილის საქმეზე დაკავებული არასრულწლოვანი ზ.ხ-ს მამა ფეხბურთელის ბიძას და ოჯახის ადვოკატს ემუქრება. მისი განცხადებით, არასრულწლოვან ზ.ხ-ს გიორგი შაქარაშვილი სახეზეც არ ჰყავდა ნანახი და უდანაშაულოა.

თამაზ ხომასურიძე აცხადებს, რომ მისი ვაჟი ვახო ჩიქოვანის მეგობარია და ის მცხეთაში სხვა ბიჭებთან ერთად მანქანების წამოსაყვანად დაბრუნდა.

ბატონო თამაზ, რატომ ითხოვთ შაქარაშვილების ოჯახთან შეხვედრას?

– მინდა შევხვდე მის ოჯახს, მივუსამძიმრო ეს უდიდესი ტრაგედია და დაველაპარაკო. დიდი სალაპარაკო მაქვს მათთან, ყველაფერი ვიცი მირიან ნიკოლაძეზე და ვთხოვ ოჯახს, მირიანი ამ საქმეს ჩამოაშორონ.

მირიანმა ამ საქმეში დიდი ფული აიღო, აგარაკს ყიდულობს ახლა და ყველა მნიშვნელოვან გარემოებაზე თვალს ხუჭავს. ორი დღის წინ, ნარკობარონი გამოვიდა ციხიდან, რომელსაც ნიკოლაძე იცავდა.

ეს ბიჭები მკვლელები არიან და კოკაინის ბარიგა არ არის მკვლელი?!

სპეცრაზმში როცა ვმუშაობდი და ტყეში გვქონა დავალებები, გველი თუ შეგვხვდებოდა თავს ვუჩეჩქვავდი და ვმარხავდი. ასე ვუზამ მირიანსაც, სხვას ღმერთი მოიყვანს სისრულეში.

სპეცრაზმში მუშაობდით?

– დიახ, არ დაგიმალავთ და გეტყვით, მე ღრმა დაშიფვრის ოფიცერი ვიყავი საიდუმლო სამსახურში. ჩანერგვა რა არის ხომ ხვდებით? ვანო მერაბიშვილთან ვმუშაობდი, მე გავხსენი მუხროვანის ამბოხი. ნდობაში შევედი გია ღვალაძესთან და კიდევ ოთხ პირთან, შემოვიტყუე ჩემთან სახლში და ისე ავიყვანეთ, ერთი ტყვია არ გავარდნილა ჩემს სახლში.

მერე კანტუზია დამემართა, ვეღარ ვმუშაობდი და პენსიაში გავედი, მაგრამ პროფესიონალი პროფესიონალად რჩება. მყავს ძმაკაცი საიდუმლო სამსახურში… საბურთალოს სასტავს შეხვდა ის, დალიეს, ილაპარაკეს ბიჭებმა და უთხრეს, როცა გიორგი შაქარაშვილი და გური ამირხანაშვილი გაიქცნენ, გიორგი წყალში გადავარდა, ამის გამო ამირხანაშვილს შეეშინდა და იმიტომ ამოვიდა გზაზეო.

ჩემმა შვილმაც მითხრა, როცა მცხეთიდან მოვდიოდით, ამირხანაშვილი ამბობდა, ნეტა არ გავქცეულიყავითო.

Katana . რამდენჯერაც ამის სურათი შემხვდა სადმე, გავიფიქრე - არ არის ეგ კაი კაცი-მეთქი და აჰა!..
პროვოკატორი! - ნაძირლების მიერ ინსპირირებული ფსევდოდანაშაულის ფიგურანტი, რომელიც ციხეში უნდა იჯდეს და მრავალწლიან სასჯელს უნდა იხდიდეს, წესით!.. (თან, სიამაყით რომ ყვება კიდეც?!..).
1 თვის უკან
Maverick ე.ი. თხუნელა ყოფილა, ჩამოგავს კიდეც.
3 კვირის უკან