ევროპა ლიგის წლევანდელი გათამაშების დარჩენილი ყველა შეხვედრა გერმანიაში გაიმართება. ამის შესახებ ინფორმაციას წამყვანი სპორტული გამოცემები ავრცელებენ.
უეფა ამუშავებს ვარიანტს, რომლის მიხედვითაც რანგით მეორე ევროპული საკლუბო ტურნირის ფლეი-ოფის შეხვედრებს გერმანიის ოთხი ქალაქი, კიოლნი, დიუსელდორფი, დუისბურგი და გელზერკირხენი უმასპინძლებს.
ევროპა ლიგის წლევანდელი სეზონი 1/8 ფინალების პირველი რაუნდის შემდეგაა გაჩერებული და ტურნირი ამ სტადიის საპასუხო მატჩებით უნდა განახლდეს.
