ტრაგიკულად დაღუპული კობი ბრაიანტის ვერტმფრენის საქმე დღემდე გამოუძიებელია. კობის ქვრივმა ვანესა ბრაიანტმა ტრაგედიის დროს გარდაცვლილ არა ზობაიანს სასამართლოში უჩივლა და მიიჩნევს, რომ პილოტმა სათანადოდ არ შეაფასა ის რისკი, რაც არსებულ კლიმატურ პირობებში ფრენას უკავშირდებოდა.
თუმცა TMZ-ს ინფორმაციით, ნებისმიერი დაზიანება მოსარჩელეთა ან გარდაცვლილის დაუდევრობით გამომდინარეობს, რადგან, ბორტზე მყოფმა ყველა პიროვნებამ იცოდა, რომ იმ დღეს ფრენა რისკის შემცველი იყო.
ინციდენტის დღეს ტერიტორია ნისლში გახლდათ დაფარული და ხილვადობა ძალიან დაბალი იყო. ბრაიანტის ვერტმფრენი აფრენამდე 15 წუთის განმავლობაში ელოდებოდა ფრენის უფლებამოსისლებას. როდესაც ის კალიფორნიის გორაკს დაეჯახა, 296 კმ სიჩქარით მოძრაობდა.
ვერტმფრენის კომპანიის იურისტებმა განაცხადეს, რომ კობის და მის ქალიშვილ ჯანას არსებული ვითარების შესახებ სრული ინფორმაცია ჰქონდათ და იცოდნენ თუ რა მასშტაბის საფრთხე იყო ფრენასთან დაკავშირებული.
იურისტები განმარტავენ, რომ მათ მიიღეს რისკი და ნებაყოფლობით გადაწყვიტეს იმ დღეს ფრენა. გარდა ამისა, განცხადებაში ხაზგასმით აღნიშნულია, რომ ტრაგედია გარდაუვალი ავარიის შედეგი იყო, რადგან ვერტმფრენით ფრენა ბუნებრივად საშიშია.
შეგახსენებთ, უბედური შემთხვევა 28 იანვარს მოხდა და კობი ბრაიანტთან ერთად მისი ქალიშვილი ჯანა და კიდევ ბორტზე მყოფი 7 ადამიანი, მათ შორის, პილოტი დაიღუპა.
