ოპოზიციონერი დეპუტატი ჯონდი ბაღათურია პრეზიდენტისგან ნინო ბურჯანაძისთვის 12-მილიონიანი ქონების ერთ ლარად გადაცემის თაობაზე სამართლებრივ განმარტებას ითხოვს.
ბაღათურიას თქმით, მიუხედავად იმისა, რომ სახელმწიფოში ათი ათასობით დევნილი თავშესაფრის გარეშეა დარჩენილი, 900 000 კაცი სიღატაკის ზღვარს მიღმა პროგრამაშია დარეგისტრირებული, კიდევ 600 000 კი ითხოვს ამ პროგრამაში მონაწილეობას, ქვეყანა განიცდის ღრმა ფინანსურ და ეკონომიკურ კრიზისს, სააკაშვილმა მაინც მიიღო გადაწყვეტილება, 12-მილიონ ლარად შეფასებული სახელმწიფო ქონება ერთ ლარად გადაეცა პარლამენტის ყოფილი თავმჯდომარისთვის.
- გთხოვთ, გვაცნობოთ, რის საფუძველზე და რომელ სამართლებრივ აქტზე დაყრდნობით მიიღეთ ეს გადაწყვეტილება, - ნათქვამია ოპოზიციონერი დეპუტატის პრეზიდენტისადმი მიმართვაში.
