„როდიონოვი სააკაშვილთან შედარებით ანგელოზი ყოფილა“

„როდიონოვი სააკაშვილთან შედარებით ანგელოზი ყოფილა“

(იბეჭდება შემოკლებით)

ოტია იოსელიანი (მწერალი):

„ამ დასაქცევ მთავრობას ბარემ ტყვია ესროლა შიშველი ხელებით მყოფი ხალხისთვის“.

გიგა ლორთქიფანიძე (რეჟისორი):

„მომხდარს 9 აპრილს ვადარებ, თუმცა, 9 აპრილი ამისგან განსხვავებით ანგელოზის დღე იყო, რადგან მაშინ ხელისუფლებაში არ იყვნენ სააკაშვილები, ბოკერიები, პოლიცია კი ხალხის გვერდით იდგა“.

პაატა ზაქარეიშვილი (კონფლიქტოლოგი):

„საქართველოში ბოლშევიკური დიქტატურა დამყარდა. ამ მოვლენას 9 აპრილსაც კი ვერ შევადარებთ - როდიონოვი, სააკაშვილთან შედარებით, უფრო ანგელოზი ყოფილა“.

გოგა ჟვანია (ზურაბ ჟვანიას ძმა):

„როდიონოვის ჯარებს დაემსგავსნენ ქართველი სპეცრაზმელები“.

გია ბურჯანაძე (მსახიობი):

„ამ ბიჭებს ალესილი ნიჩბები აკლდათ, თორემ დანარჩენი ყველაფერი გააკეთეს, რაც 9 აპრილს იყო.

9 აპრილს რუსის ჯარმა ვერ შეაჩერა ხალხი და ახლა შეაჩერებენ ქართველ ხალხს? ეს შეუძლებელია“.

ირაკლი წერეთელი (პოლიტიკოსი):

„დღისით მშვიდობიან დემონსტრაციას მხოლოდ სულელი თუ დაარბევდა. ეს არის წამგებიანი თავად ხელისუფლებისთვისაც.

მიხეილ სააკაშვილი, როგორც ჩანს, ქართველი ერის გამძლეობას სცდის“.