აშშ-ის სახელმწიფო მდივანი რუსეთს მოუწოდებს, საქართველოს ტერიტორიის ოკუპაცია დაასრულოს, - ამის შესახებ ჰილარი კლინტონმა სტრატეგიული პარტნიორობის ქარტიის ფარგლებში აშშ-ის სახელმწიფო დეპარტამენტში გამართულ შეხვედრაზე განაცხადა .
"მოვუწოდებთ რუსეთს, დაასრულოს საქართველოს ოკუპაცია, გაიყვანოს საკუთარი შეიარაღებული ძალები და შეასრულოს 2008 წელს ხელმოწერილი ცეცხლის შეწყვეტის ხელშეკრულების სხვა პუნქტები.
საქართველო რჩება ჩვენს პარტნიორად, განსაკუთრებით ჟენევის პროცესში. ჩვენ მხარს ვუჭერთ საქართველოს მცდელობებს ამ პროცესების გაგრძელებასთან დაკავშირებით და ვცდილობთ, გავათავისუფლოთ საქართველოს ოკუპირებული ტერიტორიები, როგორც ნაწილი ჩვენი ვალდებულებებისა", - განაცხადა კლინტონმა.
შეხვედრას აშშ-ის სახელმწიფო დეპარტამენტში საქართველოს პრემიერ- მინისტრი ნიკა გილაური, ენერგეტიკის მინისტრი ალექსანდრე ხეთაგური და სახელმწიფო მდივნის თანაშემწე ფილიპ გორდონიც ესწრებოდნენ.
