ბრაზილიის ეროვნული ნაკრების და "ლივერპულის" შემტევი რობერტო ფირმინო ინგლისის ჩემპიონატში ყველაზე შედეგიანი ბრაზილიელი ფეხბურთელი გახდა.
სამხრეთამერიკელმა "არსენალთან" მოგებულ პრემიერლიგის მე-20 ტურის შეხვედრაში ჰეთთრიკი შეასრულა და 43 გოლი დაუგროვდა.
ფირმინომ თანაგუნდელის ფილიპე კოუტინიოს შედეგი (41) გააუმჯობესა. მესამე ადგილზე ჟუნინიუ პაულისტაა ("მიდლსბრო"), მეოთხეზე - ვილიანი ("ჩელსი"), ხოლო მეხუთეზე - გაბრიელ ჟესუსი (მანჩესტერ სიტი").
