კრემლს საქართველოში აშშ-ის სახელმწიფო მდივნის ვიზიტთან დაკავირებით არანაირი რეაგირება არ ექნება, რადგან ეს ორმხრივი ურთიერთობის საკითხია, - ამის შესახებ რუსეთის პრეზიდენტის ვლადიმერ პუტინის პრესმდივანმა დიმიტრი პესკოვმა ჟურნალისტის კითხვის კომენტირებისას განაცხადა.
„კერის ვიზიტზე კრემლს არანაირი რეაგირება არა აქვს - ეს არის აშშ-ის ორმხრივი ურთიერთობა საქართველოსა და უკრაინასთან“, - განაცხადა პესკოვმა.
როგორც სააგენტო „ტასი“ იტყობინება, პუტინის პრესმდივანმა ასევე განცხადება ნატო-ს შესახებ გააკეთა და აღნიშნა, რომ ნატო-ს გაფართოების პოლიტიკა „არამხოლოდ ევროპის უსაფრთხოებას უთხრის ძირს, არამედ ნატო-ს წევრი ქვეყნების ეროვნულ ინტერესებსაც აზიანებს“.
აშშ-ს სახელმწიფო მდივანი ჯონ კერი საქართველოს 6 ივლისს ეწვევა.
