მომღერალი ნინი ქარსელაძე გიო ხუციშვილის შესახებ სოციალურ ქსელში ემოციურ პოსტს აქვეყნებს.
გიო ხუციშვილი ნინის ნათლია გახლდათ და მათ ოჯახებით განსაკუთრებული ურთიერთობა ჰქონდათ.
გიო ხუციშვილს დაახლოებით ორი წლის წინ სიმსივნის დიაგნოზი დაუსვეს. ის სამკურნალოდ ისრაელში იმყოფებოდა და ბოლომდე სჯეროდა, ვერაგ დაავადებას დაამარცხებდა, მაგრამ 11 ივნისს გარდაიცვალა.
გარდაცვალებამდე ფილარმონიის წინ, მომღერლის ვარსკვლავი გაიხსნა, სადაც მან მაყურებელს მადლობა გადაუხადა. კონცერტი განსაკუთრებით ემოციური გამოვიდა.
"ყველა ოჯახში დაიწყო ახალი წლისთვის მზადება, მეც ჩემი ტრადიციისამებრ დავიწყე ყველაფრის მომზადება, კაბის შეკერვა საკონცერტოდ, ჩემებმა იყიდეს ნაძვის ხე და მორთვაც კი დაიწყეს უჩემოდ! რა თქმა უნდა ამ ახალ წელსაც ქუჩაში ვხვდები, იქ ჩემი მეორე სახლია, ჩემი კოლეგები, რეჟისორები, წამყვანები... ყველა ერთად, ყველაზე ძალიან ის მტკივა, რომ ყველა ივენთის პოსტერზე შენ გელოდებოდი, წელს უშენოდ მომიწევს მეც და შენიანებსაც ახალი წლის შეხვედრა. წინა ახალ წელს ერთად შევხვდით რიყეზე, გალა კონცერტზე. 12 საათი, რომ დგებოდა მოვიდა და ყურში მითხრა: ნათლი ზუსტად 12 საათი, რომ გახდება მაშინ ჩაიფიქრე სურვილები, თან გულით და ზუსტად ვიცი აგიხდებაო. ხოდა ჩემი პირველი სურვილი შენი ჯანმრთელობა იყო! არ ამისრულდა, მაგრამ წელს ისევ ჩავიფიქრებ, რადგან ნათლიამ ასე მასწავლა, ნათლიამ, რომელიც ძალიან მიყვარდა. ჩემთვის იყავი ბედნიერების და სიხარულის ამომავალი წერტილი! ხოდა ახლა გთხოვ, ახალი წლის ღამეს ამოანათე ყველაზე მოკაშკაშე ვარსკვლავად და გაგვიბრჭყვიალე 2019 წელი ისე, როგორც შენ იცოდი და ყველაზე კარგადაც გამოგდიოდა!!!! გიო მიყვარხარ", - წერს მომღერალი ნინი ქარსელაძე.
