ევროკომისიის პრეზიდენტი, ჟან-კლოდ იუნკერი აცხადებს, რომ საბერძნეთის მთავრობამ მას უღალატა და მოლაპარაკებების პროცესში ეგოიზმი გამოავლინა. ამის შესახებ "ბიბისი" იტყობინება.
იუნკერის თქმით, მან ყველაფერი გააკეთა იმისათვის, რომ ათენთან შეთანხმების მიღწევა შესაძლებელი ყოფილიყო, თუმცა, ბერძნულმა მხარემ წინადადებები არ მიიღო და შეთანხმების პროცესი მიზანმიმართულად გადადო.
ათენი საერთაშორისო კრედიტორებთან შეთანხმების მიღწევას ვერ ახერხებს, მას ფინანსური დახმარების ნაცვლად გარკვეული რეფორმების გატარებას სთხოვენ, რასაც საბერძნეთის მთავრობა არ თანხმდება. თუ ათენი რამენიმე დღეში ვერ შეძლებს შეთანხმების მიღწევას, მას დეფოლტი ემუქრება. აღნიშნულ საკითხთან დაკავშირებით ქვეყნის პრემიერმა, ალექსის ციპრასმა საბერძნეთში 5 ივლისს რეფერენდუმი დანიშნა.
