სამხედრო ექსპერტი, ყოფილი პოლიტპატიმარი ვახტანგ მაისაია თვლის, რომ ქვეყანაში სამთავრობო კრიზისია.
„ბუნებრივია, როცა ყალიბდება სამთავრობო კრიზისი, ხელისუფლება ვალდებულია, საჯაროდ განაცხადოს და ახსნას ამის მიზეზები",- განაცხადა ვახტანგ მაისაიამ დღეს „რეპორტიორის" პრესკლუბში გამართულ პრესკონფერენციაზე.
„7 ადამიანი იქნა გათავისუფლებული, ნებსით თუ უნებლიეთ - ეს კიდევ სხვა ამბავია. ფაქტია, რომ ხელისუფლების სუსტმა მენეჯმენტმა ასე იჩინა თავი, ასეთ პირობებში. დიდი ეჭვი მაქვს, რომ ის ეკონომიკური კრიზისი, რასთანაც ჩვენ გვაქვს საქმე, სწორედაც იმ ადამიანების ხელისუფლებაში ყოფნით იყო გამოწვეული, რომლებიც გათავისუფლდნენ",- განაცხადა ვახტანგ მაისაიამ.
