"ქართული ოცნების" რუსთაველი აქტივისტები ამ წუთებში თბილისში, პარტიის ცენტრალურ ოფისთან აქციას მართავენ. როგორც "ინტერპრესნიუსს" აქციის ერთ-ერთმა მონაწილემ , ალექსანდრე ბერიძემ განუცხადა, მათი მოთხოვნაა, რაც შეიძლება მალე დაფუძნდეს პარტიის რუსთავის რაიონული ორგანიზაცია.
"რაიონული ორგანიზაციის დაფუძნებას ხელს სხვადასხვა პარტიები უშლიან და მათ სურთ, მაქსიმალურად შეუზღუდუნ "ქართულ ოცნებას" ხმა ამ პარტიაში, რადგან იციან, რომ ცენტრალური პარტია ჩვენია. აქედან გამომდინარე, ჩვენი რაიონული სიძლიერისთვის, მოვითხოვთ, რომ რაიონული ორგანიზაცია რაც შეიძლება მალე დაფუძნდეს", - აღნიშნა ბერიძემ. მისივე თქმით, აქციას სხვა რაიონების აქტივისტებიც შეუერთდებიან.
