9 ოქტომბერს ცნობილი სუპერმოდელი - ბელა ჰადიდი 22 წლის გახდა და დაბადების დღე ოჯახის წევრების, მეგობრებისა და მეგობარი ბიჭის - The Weeknd-ის გარემოცვაში აღნიშნა, სტუმრებს შორის რა თქმა უნდა ქენდალ ჯენერიც იყო, რომელიც ბელას უახლოესი მეგობარია.
მოდელებმა დაბადების დღის რამდენიმე კადრი გააზიარეს.
თუმცა საზოგადოების ყურადღება განსაკუთრებით ერთ-ერთმა ვიდეოკადრმა მიიქცია, რომელშიც ბელას უსაყვარლესი რეაქციაა დაფიქსირებული, მას შემდეგ რაც The Weeknd-მა სასაჩუქრე ყუთი გადასცა.
ჯერჯერობით უცნობია იყო თუ არა ეს ხელის თხოვნის ამსახველი კადრი, თუმცა ონლაინსივრცეში უკვე იწერება იმის შესახებ, რომ წყვილისგან მალე სასიამოვნო სიახლეს გავიგებთ.
