“მთელ საქართველოში დავფრინავ, ოღონდ არ დავფრინავ, ზოგადად, პოლიტიკურად, დავფრინავ ფიზიკურად.
ფეხები მყარად მიდგას ჩვენს მიწაზე”, - ასეთი განცხადება საქართველოს პრეზიდენტმა, მიხეილ სააკაშვილმა ყვარელში, სოფლის მეურნეობის სფეროს წარმომადგენლებთან შეხვედრისას გააკეთა.
მისივე თქმით, საქართველოში მიწის დამუშავება თანდათან დაიწყო და ეს თვითმფრინავიდან კარგად ჩანს.
“დღეს დაუმუშავებული მიწის 80% დამუშავებულია. როდესაც უცხოეთში დავფრინავდი, პირველი, რაც თვალში მეცემოდა, დამუშავებული მიწის ნაკვეთები იყო.
ვფიქრობდი, რომ ჩვენთან ეს არასდროს არ იქნებოდა, მაგრამ დღეს საქართველოშიც უამრავი დაუმუშავებული მიწა დამუშავდა”, - განაცხადა მიხეილ სააკაშვილმა.
