მხოლოდ ყრუ და სმენადაქვეითებული პირებისთვის
112 ყველასათვის, როცა წამები გადამწყვეტია
112-ის SMS და ვიდეო ზარის სერვისი ხელმისაწვდომი იქნება 27 მარტიდან, მთელი საქართველოს მასშტაბით, 24 საათის განმავლობაში.
112 - ის უფასო სერვისი განკუთვნილია მხოლოდ ყრუ და სმენადაქვეითებული პირებისთვის!
სერვისით სარგებლობისთვის საჭიროა წინასწარი რეგისტრაცია. 27 მარტიდან სარეგისტრაციო ფორმის შევსება შესაძლებელია 112-ის ვებ-გვერდზე www.112.ge.
ყრუ და სმენადაქვეითებულ პირებს, გადაუდებელ შემთხვევებში, ექნებათ შესაძლებლობა, მოკლე ტექსტური შეტყობინებისა და ვიდეო ზარის საშუალებით დაუკავშირდნენ 112-ს.
გადაუდებელი დახმარების შესახებ შემოსული შეტყობინება გადაეცემა: სასწრაფო-სამედიცინო დახმარებას, საპატრულო პოლიციას და სახანძრო/სამაშველო სამსახურს
ყრუ და სმენადაქვეითებული პირებისგან შემოსულ შეტყობინებებს მიიღებენ ჟესტური ენის მცოდნე ოპერატორები.
პროექტი ხორციელდება გაეროს განვითარების პროგრამის და შვედეთის მთავრობის ხელშეწყობით.
