ცოტა ხნის წინ ამერიკელმა სწავლულებმა აიოვა-სიტის უნივერსიტეტიდან, აღმოაჩინეს, რომ პანიკური რეაქციები წარმოიქმნება დახრჩობისადმი თანდაყოლილი შიშით და დაფუძნებულია მექანიზმზე, რომელიც სასიკვდილო საფრთხეზე მიუთითებს.
გამოკვლევები ტარდებოდა თაგვებზე, რომელთა სისხლში ნახშირორჟანგის კონცენტრაციას ზრდიდნენ, სახელდობრ, ეს გაზი მოქმედებს ნუშისებრ ჯირკვალზე, ესე იგი, თავის ტვინის იმ არეზე, რომელიც პასუხისმგებელია შიშის წარმოშობაზე.
სწავლულებმა დაადგინეს, რომ მას შემდეგ, რაც ნუშისმაგვარი ჯირკვლის სპეციალური სენსორები არეგისტრირებენ ნახშირორჟანგის გაზით გამოწვეულ PH-ის შემცირებას, თაგვები იწყებენ განგაშის სიგნალის გამოცემას.
ცდებით გამოარკვიეს, რომ შიშის წარმოქმნაში მონაწილეობას იღებს სპეციალური ცილები, რომელთა სახელწოდებაა ASUC IA. ეს ცილა რეაგირებს წყლის ბალანსის ცვლილებაზე: იგი ეცემა, როდესაც სისხლში ნახშირორჟანგის გაზის შემცველობა იზრდება. სწავლულებმა ივარაუდეს, რომ თვით ეს ცილა მოქმედებს, აგრეთვე, როგორც ნახშირორჟანგის სენსორი.
ჯგუფის ხელმძღვანელის, ადამონ ციმანის განცხადებით, სისხლში ნახშირორჟანგის გაზის კონცენტრაციის ზრდასთან ერთად, ადამიანში იზრდება შიშის რეაქცია. სწავლულები იმედოვნებენ, რომ ეს მეცნიერული დასკვნები მათ დაეხმარებათ ახალი მეთოდების დამუშავებაში, რათა უმკურნალონ ადამიანებს, რომელთაც შიშის გაძლიერებული გრძნობა აქვთ.
