საქართველოს შინაგან საქმეთა სამინისტროს საინფორმაციო-ანალიტიკური დეპარტამენტის დირექტორმა გოჩა რატიანმა საქართველოში დიდი ბრიტანეთის ელჩის მოადგილე ჯონ გედესთან გაცნობითი შეხვედრა გამართა. შეხვედრას ასევე ესწრებოდა საქართველოში დიდი ბრიტანეთის ელჩის ყოფილი მოადგილე დაგ მაკმილანიც.
შეხვედრაზე მხარეებმა ორმხრივი ურთიერთობების საკითხები განიხილეს და საქართველოსა და დიდ ბრიტანეთს შორის სამართალდამცავ სფეროში ურთიერთობების კიდევ უფრო გაღრმავების პერსპექტივებზე, ასევე, სხვა მნიშვნელოვან და პრობლემატურ საკითხებზე ისაუბრეს.
შეხვედრაზე გოჩა რატიანმა დიდი ბრიტანეთის ელჩის ყოფილ მოადგილეს თანამშრომლობისათვის მადლობა გადაუხადა.
