დონალდ ტრამპმა კამპანიის ბოლო დღეებში ერთ-ერთი ყველაზე საკულტო ამერიკული კომპანია — McDonald's — პოლიტიკურ ასპარეზზე გამოიყვანა. ამის შესახებ CNN წერს.
ყოფილი პრეზიდენტი კეისტოუნის შტატში სრიალის დროს, პენსილვანიის სწრაფი კვების ქსელის ერთ-ერთ ობიექტთან გაჩერდა, სადაც მან თავისი კოსტიუმი McDonald's-ის წინსაფარში გაცვალა. მოგვიანებით, მან მომხმარებლებს რესტორნის ფანჯრიდან საჭმელი გადასცა.
გამოცემა წერს, რომ ტრამპის ქმედების მოტივატორი დემოკრატი მოწინააღმდეგის, კამალა ჰარისის სიტყვები აღმოჩნდა, როდესაც მან განაცხადა, რომ ის წარსულში ამ კვების ობიექტში მუშაობდა. ტრამპმა ეჭვქვეშ დააყენა ჰარისის McDonald's-ში მუშაობა.
"ყოველთვის მინდოდა McDonald's-ში მუშაობა, მაგრამ არასდროს გამიკეთებია ეს. მე ვეჯიბრები მას, ვინც თქვა, რომ ამის გამოცდილება ჰქონდა, თუმცა ეს სრული სიყალბეა", —განაცხადა ტრამპმა.
კამალა ჰარისის შტაბმა ტრამპის ბრალდებას არ უპასუხა.
ამერიკის ყოფილი პრეზიდენტის მიერ კონკურენტების მისამართით გაჟღერებული ბრალდებები ახალი არ არის. თავის დროზე მან ეჭვქვეშ დააყენა ბარაკ ობამას ამერიკის მოქალაქეობა და უფლებამოსილება თეთრ სახლში, ამით მან აიძულა ობამა გაესაჯაროებინა მისი დაბადების მოწმობა.
ამერიკული მედია წერს, რომ გაურკვეველია, რატომ აიტაცა ტრამპმა ჰარისის McDonald's-ში დასაქმება, ან რატომ იყო იქ ვიზიტი მისთვის მნიშვნელოვანი არჩევნებამდე რამდენიმე დღით ადრე.
