„ნაპოლის“ გერმანიის ნაკრების და „დორტმუნდის“ ნახევარმცველი ემრე ჯანი დაუკავშირეს. ამის შესახებ Bild-ი წერს.
გერმანელ ფეხბურთელს „დორტმუნდთან“ კიდევ ორწლიანი კონტრაქტი აკავშირებს, მაგრამ კლუბი მზადაა ის გაყიდოს. ემრეს ფასი 10-15 მილიონი ევროა და ანტონიო კონტეს 30 წლის ნახევარმცველი მოსწონს.
აღსანიშნავია, რომ ემრე ჯანს იტალიაში თამაშის გამოცდილება აქვს, სადაც 2018-2020 წლებში „იუვენტუსის“ ღირსებას იცავდა და სწორედ შემდეგ გადავიდა „დორტმუნდში“. გერმანელს მიუნხენის „ბაიერნსა“ და „ლივერპულშიც“ უთამაშია.
