პორტუგალიის ნაკრების თავდამსხმელმა კრიშტიანუ რონალდუმ 2024 წლის ევროპის ჩემპიონატზე საფრანგეთის ნაკრებთან მომავალი მატჩის მოლოდინები გააზიარა.
„წინ რთული თამაში გველის საფრანგეთთან, რომელიც ტურნირის ერთ-ერთი ფავორიტია. მაგრამ ჩვენ ვაპირებთ ბრძოლას, გუნდში ყველაფერი კარგადაა“, - ციტირებს რონალდუს სიტყვებს Metro.
შეგახსენებთ, რომ ევრო 2024-ის მერვედფინალში პორტუგალიის ნაკრებმა პენალტების სერიაში სლოვენიის ეროვნული გუნდი დაამარცხა. მატჩის დროს რონალდუმ პენალტი გააცუდა, მაგრამ პენალტების სერიისას იან ობლაკისთვის გოლის გატანა მოახერხა.
საფრანგეთის ნაკრებმა ამავე ეტაპზე ბელგიის ეროვნული გუნდი ანგარიშით 1:0 დაამარცხა.
პორტუგალიისა და საფრანგეთის ნაკრებების მატჩი 5 ივლისს გაიმართება ჰამბურგში და თბილისის დროით 23 საათზე დაიწყება.
